Comfy by Chef's Stage (東廣場)

Open Now

Now Closed

觀塘有唔少吸引嘅食店，呢日我哋去左comfy食下午茶。環境唔錯，坐得都幾舒服佢哋有個自助位置，比客人攞餐具及水。水包括有汽凍水及普通熱水，好細心我哋總共點左三個小食，以及兩個飲品。呢度嘅飲品好吸引😊餐牌上嘅好多配搭都好想試😊紫薯鮮奶顏色好靚，上邊有兩朵紫色小花裝飾都好搶眼。佢哋嘅飲品唔單止外觀好睇，味道都的確唔錯！紫薯味道濃郁，配合埋牛奶成杯嘅感覺好幼細綿密。意式咖啡蛋糕奶昔味道濃郁，柔和的口感，滿載香香嘅咖啡味。火腿芝士三文治好香口，鹹鹹香香好好味。薯條都揸得乾身香脆。喜歡這一種比較乾身的薄餅，餅底充滿着麵粉香味，下面配搭亦都幾好味，包括慢煮豬肉、菠蘿、洋蔥等等。第一次食素肉丸，口感好得意，味道係有豆和菇菌類嘅味，配料仲有唔同嘅瓜菜，非常健康。喺呢個餐廳坐下，飲下野食下野，傾吓計，感覺其實都好舒適😊係約朋友嘅好地方。