合十 (Closed)

25/4/2022 星期一，知道「合十」日日都好繁忙，今日特登晏少少先至可去食午餐。為咗確保有得食，預早訂咗枱。到達 cafe，店員已經在門口接待，安排好座位，由於座位是在所謂的室外，店員好細心，每檯都裝備咗風機。點餐係 自己scan QR code 落order，喜歡這點餐方法，因為人客自由自在點餐，完全冇被催逼嘅感覺。我哋慢慢睇過餐牌，就叫咗 凱撒沙律🥗，新鮮沙律菜，涼涼爽爽。主菜有 ： 牛油果班尼迪蛋，班尼迪蛋好creamy，有沙律菜伴碟，配合一齊食，好夾！另外朋友嘅 巨型豬扒跟薯菜，超巨型，豬扒烹製鬆軟，啱入口，十分美味。飲品有「戀愛預告」，紫色碟豆花，茘枝及雪糕，睇得又食得。「攞你命三千.粒」，係 雜果賓治，夠解渴。食物飲品都好味道，又有心思，抵讚。