Video
Read full review
2012-03-30
276 views
同舊同事聚舊兼慶祝生日，去返以前去開飲茶的彩晶軒食晚飯。一班舊同事，走剩一個係舊公司，生日仲要OT到8點先放工，唯有食返餐好補數。以前間唔中LUNCH 都過來飲茶，人鬼死咁多，夜晚就少人一點，八點到，唔駛等位有得坐，叫埋野，大約十零分鐘有得食。因為肚仔餓，叫左D 快上的菜食先，呢度D 燒味唔錯，今期食燒腩仔送住飯先。呢間店的菜名，有時都幾過癮，燒腩就叫努爾哈赤、燒雞就叫阿房宮，我而家份工做同歷史有關，即時聯想起會唔會滿清人鐘意 打獵所以燒肉搵滿清開國君主外名、燒雞就因為項羽(羽者，借代雞也)一把火燒左阿房宮，所以燒雞就叫阿房宮~~~哈~~~不過斷估都唔會咁唔吉 利~~~HA講左菜啦，燒腩仔皮脆肉嫩，唔會太咸，肉質好軟，同脆皮成一對比，腩仔一向係燒肉中最好味的部份，8個人食，一碟有大約30舊，一人三、四舊，因為唔駛等，用來送住飯頂住肚餓都唔錯，點埋小小芥辣都幾開胃。燒雞：燒雞向來係呢度的招牌菜，減肥中的女士就唔係好適合，隻雞相當肥，都幾入味，而雞皮先係最好味之處，你唔連雞皮食又浪費其精華，食埋又多雞油，兩難也。豚肉藕餅：呢味我麻麻鐘意，可能我唔係太鐘意食藕掛，我分左半舊食，都幾爽口GAR
以前間唔中LUNCH 都過來飲茶，人鬼死咁多，夜晚就少人一點，八點到，唔駛等位有得坐，叫埋野，大約十零分鐘有得食。因為肚仔餓，叫左D 快上的菜食先，呢度D 燒味唔錯，今期食燒腩仔送住飯先。呢間店的菜名，有時都幾過癮，燒腩就叫努爾哈赤、燒雞就叫阿房宮，我而家份工做同歷史有關，即時聯想起會唔會滿清人鐘意 打獵所以燒肉搵滿清開國君主外名、燒雞就因為項羽(羽者，借代雞也)一把火燒左阿房宮，所以燒雞就叫阿房宮~~~哈~~~不過斷估都唔會咁唔吉 利~~~HA
講左菜啦，燒腩仔皮脆肉嫩，唔會太咸，肉質好軟，同脆皮成一對比，腩仔一向係燒肉中最好味的部份，8個人食，一碟有大約30舊，一人三、四舊，因為唔駛等，用來送住飯頂住肚餓都唔錯，點埋小小芥辣都幾開胃。
燒雞：燒雞向來係呢度的招牌菜，減肥中的女士就唔係好適合，隻雞相當肥，都幾入味，而雞皮先係最好味之處，你唔連雞皮食又浪費其精華，食埋又多雞油，兩難也。
豚肉藕餅：呢味我麻麻鐘意，可能我唔係太鐘意食藕掛，我分左半舊食，都幾爽口GAR。
醬燒牛肋排：大大舊牛肋排，侍應會幫手切肉，其實我想試下自己切，應該幾開心~HA~味道方面都OK，可惜醬汁重手左，我覺得有點咸，牛肉本身都幾嫰，中間無沾咁多醬汁而且近骨部份就唔錯，話時話，一啖食大大舊肉都幾滿足
雜菌牛仔骨：呢味牛仔骨就合味道，相對清淡，牛仔骨唔韌，肉質一咬就開，而且牛仔骨又唔係話得幾塊，更重要的是雜菌(可能有雞脾菇)幾爽口，同牛仔骨都幾爽。食飽飽，埋單找數計埋請埋壽星女，一人120，一點也不平，都坐得舒服，而且近舊OFFICE，都算係合理清費。成餐飯最貴係燒雞同埋牛肋骨，不過兩味都 係壽星女點，無所謂。值得留意的是，佢有甜品賣，十蚊左右一個，份量好細下，有好食有唔好，我自己點的楊枝甘露唔錯，不過偷食阻離個焦糖燉蛋就覺太甜~~
Post
