日月堂

Open Now

Now Closed

💛黃店💛台灣風味, 秘制湯底, 味道出眾, 滋味無窮。紅燒牛肉麵 $75份量都幾多, 而且牛肉都畀咗唔少, 而且麵嘅質地適中, 不過湯底偏鹹, 如果淡返少少會更好。午餐包埋前菜, 不過凍咗, 如果翻熱返會比較好呢。鹽酥雞滷肉飯 $65同平時台式嘅滷肉飯差唔多, 除咗飯放咗滷肉之外, 都會有兩塊酸蘿蔔, 而鹽酥雞食落同平時餐廳都係差唔多, 味道都唔錯。玉米起司蛋捲餅 $38味道唔錯, 食落好煙韌, 而且好足料。麻辣鴨血 $48味道還可以, 不過如果再辣多少少, 就更加香口。黑糖珍珠鮮奶 $32味道偏甜, 如果落少啲糖會更好。香芋奶茶 $24味道發揮正常水平。