Video
Read full review
2024-01-09
31 views
觀塘海濱道做咗綠化, 成個環境都好舒服, 好chill, 海旁都開咗不少餐廳, 傍晚時候同朋友, 情侶係咁寧靜咁舒服嘅環境食野, 真係令人好輕鬆。今日同朋友去呢間日式餐廳, 入餐廳已經體驗到濃厚嘅日本風格, 餐廳裏面放置咗好多旗幟, 酒樽, 武士等由日本買返嚟嘅裝飾擺設, 天花板都悉心裝修過, 有種日本風嘅感覺, 加埋佢半開式用餐環境, 真係舒服到不得了。餐廳餐牌有不同料理, 有沙律, 刺身, 壽司, 鍋物, 串燒, 飯, 烏冬, 海鮮浜燒, 一品料理, 炸物等。我地點左幾款串燒, 卷物, 一品料理, 鍋物, 一邊食下野, 一邊傾計。七彩火龍卷 - $68呢個係炸蝦飯卷, 炸蝦鬆脆, 飯同醋份量啱啱好。清酒煮蜆 - $98呢個係必點大熱菜式, 湯汁都幾重清酒香味, 加入大蔥, 蜆肉大粒飽滿, 很滑嫩鮮甜, 鮮嫩大隻嘅蜆用清酒烹煮下更顯美味, 湯汁充滿清酒酒香清甜, 清爽不油膩, 清酒經過煮熱後味道更加香濃。鴨肝多士2件 - $78鴨肝味道有淡淡嘅鴨子腥羶味, 唇齒生香, 入口即融, 都有足夠油份但又唔會過多, 恰到好處。麵包吸收了部份油脂, 香脆可口, 配埋黑醋醬食好夾無咁油膩。牛肉金
餐廳餐牌有不同料理, 有沙律, 刺身, 壽司, 鍋物, 串燒, 飯, 烏冬, 海鮮浜燒, 一品料理, 炸物等。我地點左幾款串燒, 卷物, 一品料理, 鍋物, 一邊食下野, 一邊傾計。
七彩火龍卷 - $68呢個係炸蝦飯卷, 炸蝦鬆脆, 飯同醋份量啱啱好。
清酒煮蜆 - $98
呢個係必點大熱菜式, 湯汁都幾重清酒香味, 加入大蔥, 蜆肉大粒飽滿, 很滑嫩鮮甜, 鮮嫩大隻嘅蜆用清酒烹煮下更顯美味, 湯汁充滿清酒酒香清甜, 清爽不油膩, 清酒經過煮熱後味道更加香濃。
鴨肝多士2件 - $78
鴨肝味道有淡淡嘅鴨子腥羶味, 唇齒生香, 入口即融, 都有足夠油份但又唔會過多, 恰到好處。麵包吸收了部份油脂, 香脆可口, 配埋黑醋醬食好夾無咁油膩。
牛肉金針菇卷串 - $28
牛肉與金針菇巧妙嘅搭配, 加上特製醬汁, 層次豐富嘅口感給人驚喜。
豬大腸串 - $36
豬大腸新鮮燒烤, 表皮酥脆, 內裡肉質飽滿, 好惹味。
大蔥豬頸肉串 - $28
豬頸肉經燒烤後肉質鮮嫩多汁, 搭配大蔥清香氣, 真係結合得好美味！
豚肉荔枝串 - $38
呢個好特別, 豚肉包住荔枝串燒, 鹹甜味道交錯, 荔枝嘅汁令豚肉食起嚟有一份清甜味。
雞肝串, 雞心串 - @$28
雞肝串外面燒得香口, 配上甜甜嘅燒汁, 內裡口感好嫰滑, 唔會好似鴨肝咁有淡淡嘅鴨子腥羶味, 都幾香口。雞心串外面配上甜甜嘅燒汁燒得香口, 內裡都爽口。
三色焗蠔 - $78
三隻蠔用不同配料焗製, 有日式芥末, 大蔥蒜蓉, 芝士, 款款都各俱特色。
芝士年糕配紅豆煉奶 - $38
鹹味芝士年糕入口煙韌, 口感一流。芝士年糕外脆內軟糯, 口感Q彈, 搭配香甜又特別嘅紅豆煉奶, 係一道幾正嘅飯後甜品小食。
生薑豚肉鍋 - $98
豚肉在湯底中煮至剛熟, 湯汁濃郁, 味道十分鮮美, 加入生薑蓉, 豐富味蕾, 而且天氣有少少涼, 食完即刻暖哂。鍋裡有豆腐, 雜菜, 日式魚蛋等, 真係一鍋美味鍋物。
每晚都會有人打鼓餐廳請飲酒, 時間都好隨意, 冇特定, 睇下你好唔好彩啦!
Post
