GAVI

Open Now

Now Closed

呢間觀塘餐廳係新開，之前都食過同一個位置嘅Cafe，記得印象係好食，同埋環境坐得舒服！ 餐廳有室外嘅地方，觀塘鬧市入邊有成塊大草地，感覺好chill😚 環境舒服，樓底高，有梳化位置或者普通枱～ 松露野菌湯 $58 個湯好香好濃黑松露嘅味道，幾好飲！日式櫻花蝦炸豆腐 $78 幾特別，佢有個湯底係鰹魚汁，入邊係豆腐豆外層係佈滿櫻花蝦嘅脆皮，本身豆腐同埋櫻花蝦較淡味，配合清新嘅鰹魚汁，配搭返起個味～ 蜜汁燒焗花雕醉香雞 $228 呢隻雞係即叫即焗，所以要等嘅時間就耐啲，一上枱就聞到好香花雕酒味，成隻雞都焗得外脆內軟，會見到好明顯雞皮薄薄一層好香脆，燒雞肉嫩，而且肉汁同埋花雕酒香都可以鎖住喺入邊，值得一食！旁邊個醬汁都唔錯，鍾意可以點，不過就算唔點醬汁就咁食都好食😚 另外仲有簡單伴菜，忌廉薯蓉、粟米、秋葵、車厘茄、西蘭花、椰菜花！兩個人食夠哂🤣 泰式冬陰功虎蝦意粉 $158 虎蝦都大隻，切開對半，一起殼就食得，意粉都煮得煙煙韌韌，冬陰功偏重椰奶味。柚子檸檬蝶豆花梳打 $42 味道refreshing，啱晒食濃味嘅西餐🤣 整體覺得個松露湯同埋燒焗花雕醉香雞都幾好食，而且環境坐得舒服，好啱兩個人