Lagom Kaffe (Closed)

去觀塘海濱附近寫字樓搵朋友食飯,佢推薦咗公司附近一間cafe,話自己係常客成日放工黎chill😌,去到發現係戶外寵物友善,有d主人係出面幫狗狗打卡影相🤣而且地方好大,枱與枱之間都有一段距離,環境令食客唔會有壓迫感!上菜速度都好快,落單唔夠10分鐘已經食得啦🥹—————————————————————📍 Lagom Kaffe地址: 觀塘偉業街180號Two Harbour Square1樓✍🏻/食評/◍ 台北燉牛肉意粉(微辛）$118所謂微辛唔係麻辣,而係台灣個種椒麻辣,對於唔係好好辣嘅我黎講惹味得黎唔使一啖意粉一啖水,感覺好似食緊台灣拌麵咁,牛肉亦都煮得好嫩滑～◍ 煙三文魚帶子奶油燉飯 $168煙三文魚嘅鹹度配搭creamy嘅奶油燉飯,調到味之餘入口又唔鹹,三粒帶子都係大大隻冇overcook,加埋側面d香脆藜麥粒,口感好豐富!◍ 紅肉火龍果茘枝乳酪 $56朋友推薦嘅火龍果乳酪,飲得出唔係糖精整出黎,味道好純粹,單純火龍果同茘枝配搭,糖份唔高好健康！