磯の水產

Open Now

Now Closed

位於觀塘海濱道嘅居酒屋，餐廳面積唔算好大，但勝在寧靜舒適，而且望到觀塘海濱小小景色。辛辣炸豆腐 $68前菜炸豆腐，份量唔算好多，但係外脆內軟，熱辣辣。飛魚籽沙律 $68滿滿嘅飛魚籽，撈埋青瓜絲同蟹柳絲，簡單但好食嘅日式沙律。炸芝麻雞翼 $68香脆可口，芝麻香味加上檸檬汁，送酒小食必點。壽司拼盤(7件) $188精選7款新鮮嘅壽司，吞拿魚、油甘魚、三文魚等等，魚油油脂感好豐富。清酒煮蜆 $98大大份煮蜆，加上清酒煮出黎香味十足，而且啲蜆食極都仲有咁，湯好好味。牛肉烏冬 $88相比起海鮮類，牛肉烏冬相對上冇咩驚喜，不過份量都幾多，都抵食。蜜瓜汽水 $68櫻花汽水 $68Overall黎講，CP值都唔錯，特別係好怕地鋪居酒屋會好多人係街到望住你食飯，海濱好處係夜晚人流相對上冇咁多，而且玻璃窗穿透感令到整體環境好舒服。