Video
Read full review
2023-07-24
14 views
觀塘海濱附近有間好日本風嘅居酒屋，門口掛咗燈籠，主打磯燒海產、時令刺身，店內黑板度寫咗當日新鮮貨，最重要喺Keep住張單，2個星期內再去幫襯就可以享有85折優惠，啱晒附近嘅打工仔😍⭐️甲羅燒🦀 $78隔離有個爐即場烹煮，配埋餅乾食，鮮味十足。⭐️雞肉丸串 $78雞肉撈咗少少雞軟骨落去🐓，好有口感，沾雞蛋黃同醬油一齊食，食落好順滑😋⭐️壽司拼盤 $188一嚟到個賣相已經好靚，特別係個帶子，油光滿滿，醋飯味道啱啱好，軟硬適中，呢個拼盤都好豐富，除咗有帶子之外，仲有三文魚籽、吞拿魚腩、油甘魚 、三文魚、炙燒劍魚、炙燒左口魚，每樣壽司都好新鮮，我自己最鍾意梗係帶子、同埋炙燒系列☺️☺️💕⭐️深海池魚薄切$180不得不提師傅嘅刀工好好，每一片刺身都好薄🐟，厚薄適中，池魚唔算係濃味嘅魚，加上少少柚子豉油食，好清新，好啱夏天😋⭐️牛油果軟殼蟹卷 $88 一份有六件，餡料都幾豐富，酥脆軟殼蟹大大隻，夾埋牛油果🥑簡直係絕配！！⭐️牛肉烏冬 $88湯底唔算好濃味，淡淡地啱啱好，烏冬係幼身嘅，彈牙，亦很掛湯，配上肥牛、野菜、鳴門卷等配料，相當豐富～～另外值得一提嘅係呢度嘅店員服務質素好好！！又好哋提前我哋刺身唔好放太耐先
觀塘海濱附近有間好日本風嘅居酒屋，門口掛咗燈籠，主打磯燒海產、時令刺身，店內黑板度寫咗當日新鮮貨，最重要喺Keep住張單，2個星期內再去幫襯就可以享有85折優惠，啱晒附近嘅打工仔😍
⭐️甲羅燒🦀 $78
隔離有個爐即場烹煮，配埋餅乾食，鮮味十足。
⭐️雞肉丸串 $78
雞肉撈咗少少雞軟骨落去🐓，好有口感，沾雞蛋黃同醬油一齊食，食落好順滑😋
⭐️壽司拼盤 $188
一嚟到個賣相已經好靚，特別係個帶子，油光滿滿，醋飯味道啱啱好，軟硬適中，呢個拼盤都好豐富，除咗有帶子之外，仲有三文魚籽、吞拿魚腩、油甘魚 、三文魚、炙燒劍魚、炙燒左口魚，每樣壽司都好新鮮，我自己最鍾意梗係帶子、同埋炙燒系列☺️☺️💕
⭐️深海池魚薄切$180
不得不提師傅嘅刀工好好，每一片刺身都好薄🐟，厚薄適中，池魚唔算係濃味嘅魚，加上少少柚子豉油食，好清新，好啱夏天😋
⭐️牛油果軟殼蟹卷 $88
一份有六件，餡料都幾豐富，酥脆軟殼蟹大大隻，夾埋牛油果🥑簡直係絕配！！
⭐️牛肉烏冬 $88
湯底唔算好濃味，淡淡地啱啱好，烏冬係幼身嘅，彈牙，亦很掛湯，配上肥牛、野菜、鳴門卷等配料，相當豐富～～
另外值得一提嘅係呢度嘅店員服務質素好好！！又好哋提前我哋刺身唔好放太耐先食，如果唔係會有細菌～～離開觀塘海濱呢邊玩嘅不妨夜晚喺度食埋飯先走💜
Post
