翟道翟 Tuk Tuk (Closed)

觀塘人一定知道既翟道翟泰國餐廳原來係中海日升中心開左分店🤣座位好闊落好舒服，而且店員服務態度都好好呢☺重點係價錢都唔貴，幾抵食😛⭐冬蔭功蝦湯 (2位用) $58兩款湯品都係58蚊兩位用🤣比起出面真係平好多😋裏面有好多香料、香茅、秀珍菇等，加埋大隻虎蝦去煲，味道好濃郁⭐原個菠蘿雞肉炒飯 $98建議大家必點佢地既原個菠蘿炒飯，有雞肉🐥/鮮蝦🦐兩款。今次揀左既原個菠蘿雞肉炒飯，份量勁多！滿到瀉咁🤣而且上面鋪滿雞肉同腰果😚炒飯裏面加左甜甜地既肉鬆、粟米粒、紅蘿蔔粒、青豆、蛋絲、提子乾同埋大大粒菠蘿粒，味道豐富又好味！⭐鮮蝦炒金邊粉 $88炒金邊粉上面有三大隻蝦，仲有啲花生碎係側邊，撈埋一齊食好香花生味幾好味😁啲金邊粉好嫩滑，裏面仲加左好多魚片條、芽菜同蛋絲添⭐香芒炒牛肋骨 $88啲芒果勁香甜！🥭牛肋骨外層有陣陣芒果既香味，但又唔會好突兀，而且有好多配料呢中⭐馬拉盞炒通菜 $72⭐珍多冰 $28⭐凍泰式奶茶 $20