串燒屋

Open Now

Now Closed

近排口痕想食串燒，咁岩喺網上見到呢間餐廳啲串燒係放係爐入面自轉咁燒，可以自己揀燒成點，又唔使自己郁手，簡直係懶人恩物呀，即刻去試下～ꉂ(ˊᗜˋ*)無限時串燒放題($248/每位)——————————————————啲嘢食質素總體嚟講都算唔錯。丸類口感幾彈牙，本身呈上嚟之前都會搽上蜜糖，咁樣燒起上嚟會好食好多，丸類當中有碟叫黃金魚蛋，幾有魚蛋味，食完想再叫多碟燒～肉粒口感就質素參差，有啲比較粉，有啲比較嫩。肉類入面牛仔骨都幾惹味，但肉身就相對薄啲，容易唔夠喉。餐廳送咗碟帶子，帶子表面好多蒜蓉，味道偏辣，但十分多汁大隻，口感嫩滑，充滿海鮮嘅鮮味。炸物方面，炸粉非常薄身，最鍾意食嘅係炸榴槤，入面榴槤味勁重勁creamy，鍾意食榴槤嘅人應該會滿意呢碟～最後，除咗食物質素之外，我都好在意調味料嘅質素，會直接影響食物嘅入口感。普遍餐廳啲豉油都偏鹹，但係佢哋嘅豉油鹹度適中，偏鮮甜，食落唔錯！