東羅 泰館 (Closed)

今日我要同大家介紹一間喺觀塘嘅泰國餐廳，啲食物味道唔錯份量十足，重點係價錢唔貴，可以話係抵食之選！👍🏻泰式單骨雞翼雞翼炸得啱啱好，每啖都充滿香酥感，再配埋泰式酸辣醬，相當之醒神開胃。重點係單骨食起上嚟好方便！🤣泰北青咖喱雞扒飯青咖喱椰香味好濃烈，未食都聞到香噴噴。雞扒係一大塊上，仲大過我手掌！呢個份量一個大男人食都會夠飽！🤭無骨海南雞配雞油香飯海南雞肉嫩滑，啖啖肉而且份量又係十足，重點係配合埋個雞油香飯確係一流，淡淡食落都勁香口！🤩斑斕花椰香鮮奶咖啡 & 青檸梳打食完飯梗係要嘆返杯嘢飲，香濃嘅咖啡配上新鮮斑斕花椰奶，即刻將原本嘅咖啡香氣昇華，飲落口亦都有雙重口感；青檸梳打就完全超消暑，啲青檸味濃郁，飲落超爽口！🥳