東羅 泰館 (Closed)

今日同朋友嚟開觀塘行松本清，行咗一陣之後覺得肚餓，就去咗裕民坊度「搵食」！行行下咁啱俾我哋上到一個平台度，見到一間泰國嘢好似唔錯，就去咗食。由於我哋真係幾肚餓，所以我哋都嗌咗幾多嘢食！環境方面，空間闊落，氛圍幾chill。我哋嗌咗一個泰館虎蝦冬陰功湯麵、椰子沙沙、泰式酸辣柚子蝦沙律、泰式鹹蛋黃卡邦尼意粉、炭燒烤魷魚、泰式奶茶及 泰式鹹蛋黃單骨雞翼。泰館虎蝦冬陰功湯麵冬陰功味幾濃，酸酸辣辣咁，而且虎蝦都好大隻，仲有啲草菇，芽菜同埋蕃茄仔咁。幾好食！泰式酸辣柚子蝦沙律柚子嘅份量都好多，而且都係好甜，唔會澀！個汁方面唔會太辣，啱啱好。而且佢嘅蝦亦都係虎蝦， 十分大隻！泰式鹹蛋黃卡邦尼意粉原來鹹蛋黃同卡邦尼意粉係咁夾，好creamy，好好食，我朋友好快就食晒。炭燒烤魷魚魷魚嘅份量唔算好多，但魷魚夾埋個汁好好食。泰式鹹蛋黃單骨雞翼呢個單骨雞翼熱辣辣食真係好正，好重鹹蛋黃味，又脆，好好食。椰子沙沙大大杯感，椰子味都好重，係夏天飲真係啱晒。泰式奶茶佢嘅泰式奶茶唔會真係好似泰國嘅奶茶咁好甜，而係甜度適中，又不失泰國奶茶嘅味道，好似！估唔到咁都俾我哋搵到間咁高質嘅泰國餐廳，下次再有機會嘅話我一定會再嚟食