Video
Read full review
2024-05-24
25 views
Four O Five Coffee & Eatery今次介紹呢間「Four O Five Coffee & Eatery」嘅西餐廳，佢哋位置於成業工業大廈入面嘅地下，一入到去成業工業大廈一路向前行推開木色嘅門就會見到呢間西餐廳，入到去門口雖然好窄，好彩啱啱好入到個門口，餐廳入面空間好大，店員幫我搵一個方便嘅枱比我坐，除咗門口窄之外，餐廳入面都好方便輪椅人士喺呢度食野，無需要帶斜板，沿途都好無障礙，輪椅人士同朋友聚舊一流！1.明太子蟹肉寬條麵+粟米洋蔥湯$138+無糖可樂$10（8.5/10）呢碟明太子蟹肉寬條麵個寬條麵好彈牙，掛到滿滿嘅明太子蟹肉嘅汁，蟹肉已經連埋明太子醬一齊撈埋，鋪滿咗蟹籽，食落去好有口感，唔錯！粟米洋蔥湯：整體呢個湯比較稀，味道唔夠香濃，普通！無糖可樂：好少餐廳比樽裝可樂，有無人覺得樽裝可樂好飲d，我自己就覺得好飲少少！2.慢煮牛尾有機蕃茄貓耳朵麵+田園沙律$158+凍朱古力$21（9/10）呢個慢煮牛尾有機蕃茄貓耳朵麵個牛尾大約有10舊，每一舊牛尾都住得好淋，牛尾雖然細細舊，但每一舊都煮得好入味，貓耳朵麵都幾彈牙，唔會話煮得唔夠熟，整體味道係酸酸地，因為放咗好多
今次介紹呢間「Four O Five Coffee & Eatery」嘅西餐廳，佢哋位置於成業工業大廈入面嘅地下，一入到去成業工業大廈一路向前行推開木色嘅門就會見到呢間西餐廳，入到去門口雖然好窄，好彩啱啱好入到個門口，餐廳入面空間好大，店員幫我搵一個方便嘅枱比我坐，除咗門口窄之外，餐廳入面都好方便輪椅人士喺呢度食野，無需要帶斜板，沿途都好無障礙，輪椅人士同朋友聚舊一流！
1.明太子蟹肉寬條麵+粟米洋蔥湯$138+無糖可樂$10（8.5/10）
呢碟明太子蟹肉寬條麵個寬條麵好彈牙，掛到滿滿嘅明太子蟹肉嘅汁，蟹肉已經連埋明太子醬一齊撈埋，鋪滿咗蟹籽，食落去好有口感，唔錯！
粟米洋蔥湯：整體呢個湯比較稀，味道唔夠香濃，普通！
無糖可樂：好少餐廳比樽裝可樂，有無人覺得樽裝可樂好飲d，我自己就覺得好飲少少！
2.慢煮牛尾有機蕃茄貓耳朵麵+田園沙律$158+凍朱古力$21（9/10）
呢個慢煮牛尾有機蕃茄貓耳朵麵個牛尾大約有10舊，每一舊牛尾都住得好淋，牛尾雖然細細舊，但每一舊都煮得好入味，貓耳朵麵都幾彈牙，唔會話煮得唔夠熟，整體味道係酸酸地，因為放咗好多有機蕃茄，所以都幾好味！
田園沙律：沙律菜唔夠水份，入面仲有青瓜同蕃茄仔，加咗都幾多黑醋汁，酸酸甜甜味道啱啱好！
凍朱古力：朱古力味無咁香濃，好普通！
3.泰醬脆香雞$78（8.5/10）
呢個脆香雞炸得太耐，脆香雞外皮有少少燶咗，令到外皮有少少韌，點埋泰式甜酸醬會好味咗，一共有6舊脆香雞！
4.冧酒朱古力撻$48（9/10）
呢個冧酒朱古力撻面頭有大量朱古力醬、3粒藍莓同2粒草莓，底層係似消化餅果種餅底，冧酒味唔算好出，成個朱古力撻唔算好甜，唔錯！
2人總共價錢$498，有加一服務費！
個人口味總評分：8.75/10
@four0five_coffee
地址：觀塘成業街19-21號成業工業大廈地下2號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#FourOFiveCoffeeEatery #觀塘 #觀塘好去處 #觀塘美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
