麻辣小聚 (93WYS) (Under Renovation)

最近經常口淡淡無胃口，諗起有好一陣子沒有吃辣野，突然想起這家位於觀塘的麻辣小聚，今日就約埋兩位朋友仔來過過辣癮。難得我地人多，今次可以試多幾個菜啦～螞蟻上樹既粉絲炒到好乾身，加埋肉粒同醬汁，好食！藤椒手絲雞食落清新又麻麻咁，雞肉又好嫩滑，感覺好開胃。招牌香辣蟹好大一隻，蟹蓋內仲有滿滿既蟹膏，一啖蟹肉一啖蟹膏既感覺好滿足，蟹又好新鮮，加埋炒過既辣椒好惹味。地道樟茶鴨食落外皮酥脆內里嫩滑，帶有茶葉既香氣，味道鹹香鹹香。呢間餐廳水準依然咁高，我同朋友都食到好滿足！