神木日本料理 (Closed)

又黎到美食寶藏地帶 都有段時間無出過觀塘食嘢了😂 今次去左間工廠大廈嘅日本餐廳 而且就係APM對面 由MTR出去穿過APM就到 地點好方便～～ 🔖神之特上刺身(6點盛) HKD198有吞拿魚赤身、三文魚、油甘魚腩、帶子、赤蝦、左口魚裙邊各二切。刺身質素幾好，幾新鮮，魚香濃郁，又唔會有腥味。當中赤身味道濃郁，亦唔帶血腥味。油甘魚腩香濃，油香過後滲出淡淡白身魚嘅鮮味。🔖青龍炸蝦卷HKD78炸蝦卷物，表面有芝士同三文魚籽，卷有青瓜絲、炸卷，味道濃郁，食落滿足感十足。🔖牛肉他他 HKD88燒牛肉配上洋蔥，看似簡單嘅菜色，再撈上生蛋黃，同平時食嘅牛肉他他不太相同。燒牛肉配上少許燒肉汁同蒜蓉味道更濃郁，洋蔥撈埋生蛋黃能減輕生洋蔥嘅辣味，味道更温和豐富🔖鍋燒烏冬 HKD78烏冬嫩滑彈牙，湯汁濃郁，好香嘅鰹魚湯。另外配料亦豐富，有炸蝦、蟹柳、窩蛋、雞肉，篤穿生蛋黃更可當醬料點烏冬食，一次滿足晒多個願望。而且整鍋熱辣辣上，新鮮出爐，更好味🔖藍柑乳酸梳打 HKD28🔖草莓乳酸梳打 HKD28兩杯梳打好靚，一杯藍色、一杯粉紅，配色好夢幻。而且乳酸甜甜，溝了梳打都唔會好淡，冰亦唔會太多