花居酒屋 (Closed)

呢間友人介紹既花居酒屋，真係唔少人食，8:00去到都見到好多人，接近full house。佢既裝修好多日本既元素同detail位，我特別欣賞滿滿海報既裝飾牆，加埋背景日文歌，和風味十足。竹壽司盛合（$198）壽司方面，我地2個都懶得揀，叫左個2人份量，已經配搭好。件件賣相都唔錯，三文魚子超大粒同飽滿，咬落多汁又唔腥。火炙過既油甘魚更香甜。三文魚同吞拿魚壽司都水準之列。熟蝦壽司都結實都彈牙，確實唔錯。刺身（$219）刺身我地就叫左甜蝦6隻，佢係成隻連蝦頭。我特別鐘意蝦頭，有好多人唔食，但我覺得好鮮甜，加埋淡淡海水味好正。北寄貝都幾爽口，而三文魚都好厚切，加埋wasabi更有鮮味。而帆立貝咬落好creamy。安格斯牛肉烏冬（$88）佢既牛肉同平時食開唔同，好有牛肉味，而且好少見會配埋秋葵。烏冬就煙煙韌韌，應該係讚歧烏冬，配埋湯底好好食。芫茜櫻花蝦玉子燒（$78）一上碟我地有少少嚇親，估唔到真係咁多芫茜係面，不過玉子燒份量都大份，佢地都幾好比埋叉我地，因為用筷子夾就難d，會比較易散，佢除左面入面都有芫茜，櫻花蝦淡淡既咸香，令味道更加鮮明。