Video
Read full review
2022-09-25
33 views
中環壁畫街斜路再上，門口簡單掛上賞櫻招牌，倘門拉開看到餐廳有一玄關通道，通向餐枱位置，裝潢採用水泥等自然素材搭配日式掛畫，環境優雅。晚餐omakase，《壽司十貫》、《花》、《見》，最後㨂左中間價位之《花》$1680。餐牌簡單，剌身四皿、 一品料理、 壽司六貫、湯|甜品，用料同功夫一d都唔簡單，前菜到刺身四道已經顯出師傅既細心同用心，細緻既編排。職員首先送上熱茶，介紹我地師傅-煒師傅，講解上菜次序，又細心提示臺上面嘅燈可自動調教，整道料理過程都會主動睇下我地d茶夠唔夠，主動加茶，收拾，非常到位貼心的服務。當日煒師傅幫我哋發板，非常細心，一開始除咗問我哋有冇咩食物敏感之外，細節問埋我哋係咪薑或者蔥都會食。每道菜都會介紹食材用料同進食次序，非常好既體驗。前菜最先上的一道鱈魚乾，非常脆身乾身，方型切片，睇得出是自家製，亦唔會好似出面嗰啲咁加咗好多澱粉。天婦羅雞泡魚. 炸白蝦. 蓴菜馬糞海膽. 黑梅貝特別推介蓴菜馬糞海膽，師傅講解蓴菜食材本身係為保護自己所以會有一層膜包住，食咁多次omakase，今次先知原來食材本身係咁，學到野。用筷子係夾唔起所以師傅教我地好似飲sake咁一啖飲晒。蓴菜馬糞海
中環壁畫街斜路再上，門口簡單掛上賞櫻招牌，倘門拉開看到餐廳有一玄關通道，通向餐枱位置，裝潢採用水泥等自然素材搭配日式掛畫，環境優雅。
晚餐omakase，《壽司十貫》、《花》、《見》，最後㨂左中間價位之《花》$1680。餐牌簡單，剌身四皿、 一品料理、 壽司六貫、湯|甜品，用料同功夫一d都唔簡單，前菜到刺身四道已經顯出師傅既細心同用心，細緻既編排。
職員首先送上熱茶，介紹我地師傅-煒師傅，講解上菜次序，又細心提示臺上面嘅燈可自動調教，整道料理過程都會主動睇下我地d茶夠唔夠，主動加茶，收拾，非常到位貼心的服務。
當日煒師傅幫我哋發板，非常細心，一開始除咗問我哋有冇咩食物敏感之外，細節問埋我哋係咪薑或者蔥都會食。每道菜都會介紹食材用料同進食次序，非常好既體驗。
前菜
最先上的一道鱈魚乾，非常脆身乾身，方型切片，睇得出是自家製，亦唔會好似出面嗰啲咁加咗好多澱粉。
天婦羅雞泡魚. 炸白蝦. 蓴菜馬糞海膽. 黑梅貝
特別推介蓴菜馬糞海膽，師傅講解蓴菜食材本身係為保護自己所以會有一層膜包住，食咁多次omakase，今次先知原來食材本身係咁，學到野。用筷子係夾唔起所以師傅教我地好似飲sake咁一啖飲晒。蓴菜馬糞海膽，海膽混和蓴菜清新既味漸漸滲出海膽鮮味，非常過癮。
刺身四皿-第一道
水母刺身. 松葉蟹凍馬糞海贍. 北寄貝. 赤貝
用料新鮮，擺盤精緻，蘿蔔都係師傅自己雕花
剌身新鮮，北寄貝簡單加左岩鹽青檸，豉油都唔使加，食出食材本身既味道；赤貝味濃，見師傅準備食材時拍打貝類，貝類立即醒袖有反應
刺身四皿-第二道
北海道生蠔+ 柚子酸汁jelly
生蠔太大隻，師傅專登切開方便進食，北海道生蠔海水味唔會太濃，肉質厚，creamy，加上師傅自家制既柚子酸汁jelly，非常match.
刺身四皿-第三道
白魚卷. 鮟鱇魚肝. 牡丹蝦. 凡立貝海膽粉. 天然鯖魚. 水果蕃茄
白魚真鯛卷中間加左少少toro溶，層次豐富，上面上面加咗冇色素添加嘅飛魚子精瑩通透。
鮟鱇魚肝無苦味，用火槍燒過，將油份帶出，師傅講解時話要逐一去血管除腥味，非常考功夫嘅一道菜。
凡立貝用海膽粉包住，第二度應該冇得食，係用新鮮海膽炒乾然後造成海膽粉，少啲心機都唔會咁做。
鯖魚醬魚漬，上面加上生芋溶，新鮮鯖魚肉身滑，鬆軟有油份
水果蕃茄 ，甜度去到8，加小小鹽更帶出甜味，refresh
刺身四皿-第四道
紫菜包拖羅
中間師傅幫我哋準備拖羅同腦天中拖羅，用火槍燒過嘅腦天，加埋中拖羅，紫蘇葉，用黃豆紙同紫菜包，拖羅入口即溶，兩重享受，非常滿足。
一品料理-子持香魚
子持即持有孩子，亦可解作多春，香魚肉質軟綿，魚骨細，慢嚼亦可食埋魚骨。魚汁是用魚骨湯每日熬製，清甜鮮味，蘿蔔亦以花型上，可看師傅之細心。
壽司六貫-伊左木、右口魚、銀鱈魚、鰹魚醬油漬、黑鯥、北海道馬糞海膽
先上沙律薑，薑沒有渣，薑味中帶點甜味，據知薑是師傅每日過夜“啤”水洗走薑的辣味，有食過一些omakase只是用來貨子薑做配菜，賞櫻這裡就算是簡單的配菜-薑，亦是用心用時間去做，有驚喜亦看得出是非常有誠意的餐廳。
壽司用上赤醋飯,wasabi的份量可跟師傅溝通，
右口魚/鮫鰈魚：魚邊有燒過， 燒過的魚邊油分重， 肉身有咬口，魚味淡
銀鱈魚：燒過的銀鱈魚魚肉入口即溶，帶出魚油份，魚味在口喉停留
鰹魚醬油漬：加左醋面豉和芝麻粉，新鮮芝麻粉非常香，鰹魚魚質結實，味濃
黑鯥：加左白松露，口感滑，魚味濃，回香
北海道馬糞海膽：選用赤海膽，可以連埋底下用磯之雪製成既小盤一啖入口，赤海膽口感奶滑而又濃郁，而且入口即溶，味道相當鮮甜。
湯 |甜品
面豉湯入面仲有一隻大蝦，滿足
甜品用左靜岡密瓜，清甜爽口
以這個價錢可以食到十幾道菜，而且係可以慢慢享受，可以同師傅交流，唔會有時限的一餐omakase，性價比一流，視覺味覺感覺無可挑剔的一餐。
Post
