Video
Read full review
2022-07-22
997 views
我本身係一直鐘意睇書嘅人，冇care過係咪打卡地方，我係衝住二手書去，當尋寶都好😆我係睇到文章介紹先去，所以我早知道食物中下，我冇咩所謂嘅～不過第一次去，同第二去既體驗有好大反差第一次去店員係溫柔的女士，自己係水吧工作，客人既動靜唔太理，當時鋪頭幾旺，店員亦有禮貌同我介紹餐牌我叫左芝士蛋糕同咖啡，芝士蛋糕一般，咖啡係難飲嘅🤣但我唔介意。咁岩我見到自己鍾意嘅書，坐係度4個鐘，聽下音樂，店員同客人會傾計，同小朋友玩，店員會委婉咁問：「有冇睇到鐘意既書呢？」「鐘意可以買返屋企睇。」成個環境人多，安靜，放鬆。最後我買左本二手書返屋企。隔左一個月之後，我去第二次果日得我一個人，有另一個店員係度，傾左幾句我就自己選書睇。後面有個女仔想入來，後來走左佢走嘅原因係，「體溫過高」唔比入，差0.1度個女仔話：「你玩野呀？」店員話，「可以坐一陣間睇吓既」但係個女仔都係走左，應該係唔愉快咁走左我果陣心諗，「比我都會發火走人。」我係元朗區特地來西環，咁樣比人食擰檬..就算坐低都唔自在後來我係度選書，係一堆書中左拎右拎，唔止面頭果D，有底下壓住左果幾本，但係我冇整亂地方之後個店員同我講：「你有咩書啱，我幫你拎」「
我係睇到文章介紹先去，所以我早知道食物中下，我冇咩所謂嘅～
不過第一次去，同第二去既體驗有好大反差
第一次去
店員係溫柔的女士，自己係水吧工作，客人既動靜唔太理，當時鋪頭幾旺，店員亦有禮貌同我介紹餐牌
我叫左芝士蛋糕同咖啡，芝士蛋糕一般，咖啡係難飲嘅🤣但我唔介意。
咁岩我見到自己鍾意嘅書，坐係度4個鐘，聽下音樂，店員同客人會傾計，同小朋友玩，店員會委婉咁問：「有冇睇到鐘意既書呢？」「鐘意可以買返屋企睇。」
成個環境人多，安靜，放鬆。
最後我買左本二手書返屋企。
隔左一個月之後，我去第二次
果日得我一個人，有另一個店員係度，傾左幾句我就自己選書睇。
後面有個女仔想入來，後來走左
佢走嘅原因係，「體溫過高」唔比入，差0.1度
個女仔話：「你玩野呀？」
店員話，「可以坐一陣間睇吓既」
但係個女仔都係走左，應該係唔愉快咁走左
我果陣心諗，「比我都會發火走人。」
我係元朗區特地來西環，咁樣比人食擰檬..就算坐低都唔自在
後來我係度選書，係一堆書中左拎右拎，唔止面頭果D，有底下壓住左果幾本，但係我冇整亂地方
之後個店員同我講：「你有咩書啱，我幫你拎」
「入D既我都可以幫你拎」
我就唔想麻煩人，我都係好奇心想望下，就拒絕左
之後，我搵左一本書坐低睇，後來我係度影相
店員聽到影相聲，叫我「唔好影書嘅內容」，「鐘意就買左佢啦」
呢一刻，我就清楚知道，「我一舉一動比人昅實哂」，我本身打算食嘢既，後來我連書都冇睇，我走左，亦唔會再來。
那怕當時成間鋪冇人，真心可以好專心睇書，
我都覺得好大壓力。
返工已經比上司昅住，連呢度都要比人昅？
我理解店員係為店舖盡責，有規矩，
但係規矩太多，對客人來說係好冒犯，干預過多
講真，鐘意睇書嘅人都係安靜，非常注重自己個人空間的人，對環境要求好高，心思細密的人
我每一個舉動都有人出聲，叫你「A唔得B唔得」
客人係可以容許既範圍下，我真係希望店員可以安靜，唔好理人哋做嘢，完全放手就係對客人既尊重
我認為，來得睇書，有一定既文化水平，有自律性的人。我唔認為，「定規矩」會有任何作用
今日呢度唔係餐廳，客人亦唔係店員既下屬，我冇義務一定要買書，冇義務一定要來幫襯
有啲野…唔係定規矩，人哋一定要遵守的
更多係，客人願唔願意接受種種規定
唔接受，客人會選擇其他，就係咁簡單
定規矩係大忌，過份干涉人的行為係大忌
一個「chill」既地方，多多規矩，徹底失去左佢個品牌價值
我唔認為二手書係主要吸引人的地方
有鐘意嘅書係大加分，冇啱心水嘅書，其實呢個地方都冇咩特別，呢點好睇運氣
真正留低人嘅，係果份放鬆的氣氛、尋寶嘅樂趣
如果今日書莊轉型，以食物為賣點，我覺得冇競爭力，出面咖啡店市場已經飽和哂，呢度野食水平的確中下，書和環境先係重點
放手，比客人自主，呢度仲可以營運落去
硬來係冇意思
我見過太～～多，逆客人心意的小店好難生存
今日已經有「文青」標簽吸客，小店先有返D人流
「文青」客已經唔難搞，要求又唔係高
你對客人有規矩，客人對你冇求架？
再迫人買野，做臭左個名，咪即係自己趕客走…🙂
願意入來既，位置再偏都唔係問題，我自己都係特登出來的，做返好個優勢，呢間小店有得做架
個窗口景同書卷味，真係好值得打卡
但係連相都唔比影，人哋仲點樣幫間鋪做免費宣傳啊？出面寫文案又係成本之一，點解唔做好免費口碑呢？
Post