Video
Read full review
2022-04-16
1113 views
終於終於終於下星期就開晚市，即刻嚟推介一間小編覺得必須拜訪嘅餐廳！！！👍🏻甜蜜蜜二人餐 ($1688 + 原價加一)頭盤以龍蝦海鮮拼盤揭開序幕，擺盤精美細緻，亦有用冰底坐底：龍蝦肉爽甜彈牙，就算鉗肉都已預先幫忙拆殼，食落超方便！青口肥大飽滿，螺肉略帶海水味，多汁鮮甜又厚彈！餐湯分別點左一碗龍蝦湯同是日餐湯，龍蝦餐湯濃郁，鹹鮮味十足，餘韻嘅蝦膏味好重；而南瓜湯入口順滑，質地濃稠！三文魚他她作為驚喜前菜，小編事前完全唔知會有埋朱古力繪圖(⁎⁍̴̛ᴗ⁍̴̛⁎)三文魚蓉好綿密，仲砌成為兩個心形♥️♥️配上脆口嘅餅乾，入口加上魚籽的爆汁，吃落滿是甜蜜！主菜慢煮黑毛豬鞍配綠茶洋蔥蓉甜薯泥黑毛豬厚件得黎超淋口，邊位油脂豐腴，豚香好重，罕見嘅配菜配搭份外令人驚喜，把綠茶加入薯泥當中帶點回甘，解膩一流！美國特級肉眼排配時菜燒薯.燒汁五成熟嘅肉眼扒煎得恰到好處，肉質粉嫩，牛味香盛，食落柔嫩，邊位帶油花，口感較有嚼勁，燒汁不濃烈亦未有搶去牛香，完碟時已相當回味着那片甘香而肉味豐富嘅油脂感。甜品+$168 轉左雪崩提拉米蘇《三天前預訂》，甜品拎開外圍包裝就有瀑布瀉下嘅效果，食落濕潤度好夠，奶香頗重，雪凍左亦比較似慕絲，餅
👍🏻甜蜜蜜二人餐 ($1688 + 原價加一)
頭盤
以龍蝦海鮮拼盤揭開序幕，擺盤精美細緻，亦有用冰底坐底：龍蝦肉爽甜彈牙，就算鉗肉都已預先幫忙拆殼，食落超方便！青口肥大飽滿，螺肉略帶海水味，多汁鮮甜又厚彈！
餐湯
分別點左一碗龍蝦湯同是日餐湯，龍蝦餐湯濃郁，鹹鮮味十足，餘韻嘅蝦膏味好重；而南瓜湯入口順滑，質地濃稠！
三文魚他她
作為驚喜前菜，小編事前完全唔知會有埋朱古力繪圖(⁎⁍̴̛ᴗ⁍̴̛⁎)三文魚蓉好綿密，仲砌成為兩個心形♥️♥️配上脆口嘅餅乾，入口加上魚籽的爆汁，吃落滿是甜蜜！
主菜
慢煮黑毛豬鞍配綠茶洋蔥蓉甜薯泥
黑毛豬厚件得黎超淋口，邊位油脂豐腴，豚香好重，罕見嘅配菜配搭份外令人驚喜，把綠茶加入薯泥當中帶點回甘，解膩一流！
美國特級肉眼排配時菜燒薯.燒汁
五成熟嘅肉眼扒煎得恰到好處，肉質粉嫩，牛味香盛，食落柔嫩，邊位帶油花，口感較有嚼勁，燒汁不濃烈亦未有搶去牛香，完碟時已相當回味着那片甘香而肉味豐富嘅油脂感。
甜品
+$168 轉左雪崩提拉米蘇《三天前預訂》，甜品拎開外圍包裝就有瀑布瀉下嘅效果，食落濕潤度好夠，奶香頗重，雪凍左亦比較似慕絲，餅底略有分離，酒香可稍為加重！
#優惠情報
如果同餐廳同月生日，週年慶特別加送＄300
☑️簡單版人像堂食甜品圖（原價＄158)起或
以優惠價＋$188起 預訂原價＄258起 朱古力紀念版
☑️q版擺設圖（五天前預訂）
☑️無限享受180°全海景打卡位
☑️送半瓶裝餐酒一支
☑️FB推薦EL Dining仲送即影即有一幅
Post
