一汁一菜 (創紀之城五期(apm)) (Closed)

咩都話好食嘅朋友仔之前試過呢度嘅粟米湯同蕃茄菠菜芝士雞肉卷，佢話好難飲同埋好難食。我唔相信佢，點都要試一試，然後買咗個外賣返屋企食。原來佢冇呃我，真係唔係幾好食😂湯+一品料理+包 $79 龍蝦湯雖然好杰身又有啲龍蝦肉係入面，但就冇乜龍蝦味，龍蝦肉亦都唔彈牙，腍腍的。食落覺得個湯落roux落咗好多，所以先咁杰但又冇龍蝦味，好似食緊麵粉加龍蝦水(´･ω･`)味道偏淡，可以落多啲鹽。油揚豆腐黑豚薑汁燒我呢份啲豚肉好肥(´･ω･`)味道偏咸。飲番個淡嘅龍蝦湯就可以中和個鹹味。石窯麵包帶點甜味嘅麵包，幾紮實，要有啲牙力先食到。