Video
Read full review
2022-07-11
63 views
😉 小編今次嚟到一間懷舊茶座——公子茶座，食港式下午茶。原本依間茶座會跟隨舊店主退休就結業，最後現任老闆因為曾經喺附近讀中學，對依區有感情，加上對食有興趣同研究，就頂讓咗嚟做啦！💪🏻【 公子常餐 】🍜 薑絲豬潤通粉 😋😋😋😋😋依家好少可食到豬潤通粉，見到有依個餐就叫咗嚟試！😎 嚟到見到4大片豬潤放喺通粉上面，食落仲一啲都唔乾唔柴，有咬口得嚟有少少粉，食得出係新鮮處理，唔會有噏味。佢哋用上有坑紋嘅通粉，能夠掛到啖啖有薑味嘅湯。🤤🍽 炒蛋多士 😋😋😋😋😋炒蛋用上4.3牛奶，火喉控制得啱啱好，仲見到有蛋汁喺面頭，係日式炒蛋嘅做法！🍞 多士係厚身，烤得唔錯，多士邊夠脆身，中心仍柔軟。牛油搽得均勻，唔會食到成口油。🍹 椰汁紅豆冰 😋😋😋😋大熱天時，凍飲係必選！椰汁紅豆冰嘅紅豆相當甜，加上三分之二嘅椰汁，飲到最尾仍然好清甜同涼快！下午茶 💵💵 約港幣$60/人🎉 其他招牌推介 🎉【午餐】招牌生煎肉餅飯【飲品】Cold Brew💁🏻♀️ 公子常餐由朝早十一點至下午六點供應，鍾意食豬潤通粉嘅朋友仔，唔好錯過！好值得一試！順帶一提：公子茶座曾經借出店舖畀試當真演員拍攝網片，好支持本地創業文化！👏🏻 大家
【 公子常餐 】
🍜 薑絲豬潤通粉 😋😋😋😋😋
依家好少可食到豬潤通粉，見到有依個餐就叫咗嚟試！😎 嚟到見到4大片豬潤放喺通粉上面，食落仲一啲都唔乾唔柴，有咬口得嚟有少少粉，食得出係新鮮處理，唔會有噏味。佢哋用上有坑紋嘅通粉，能夠掛到啖啖有薑味嘅湯。🤤
🍽 炒蛋多士 😋😋😋😋😋
炒蛋用上4.3牛奶，火喉控制得啱啱好，仲見到有蛋汁喺面頭，係日式炒蛋嘅做法！🍞 多士係厚身，烤得唔錯，多士邊夠脆身，中心仍柔軟。牛油搽得均勻，唔會食到成口油。
🍹 椰汁紅豆冰 😋😋😋😋
大熱天時，凍飲係必選！椰汁紅豆冰嘅紅豆相當甜，加上三分之二嘅椰汁，飲到最尾仍然好清甜同涼快！
下午茶 💵💵 約港幣$60/人
🎉 其他招牌推介 🎉
【午餐】招牌生煎肉餅飯
【飲品】Cold Brew
💁🏻♀️ 公子常餐由朝早十一點至下午六點供應，鍾意食豬潤通粉嘅朋友仔，唔好錯過！好值得一試！順帶一提：公子茶座曾經借出店舖畀試當真演員拍攝網片，好支持本地創業文化！👏🏻 大家去幫襯嘅時候，都不妨留意一下店舖內嘅佈置！
🙆🏻♀️ 最後，喜歡嘅話，歡迎follow @foodirectory.hk ！
公子常餐
0 views
0 likes
0 comments
薑絲豬潤通粉
3 views
0 likes
0 comments
炒蛋多士
5 views
0 likes
0 comments
椰汁紅豆冰
2 views
0 likes
0 comments
Post
