譽粵菜 (Closed)

踏入五月第一日，唔想出去油尖旺同人逼，唯有乖乖在附近搵野食。🤪🤪譽粵菜，係我地常去的點心酒樓，平時人流一般，一到假日，門出就會出現大排長隴的人，也許是這附近酒樓唔多。我地選咗下午茶時段入座，下午茶由兩點半開始，但通常兩點就見人排隊，酒樓會係十五分鐘之前派籌。今次好幸運拿咗2號。下午茶時段有個優惠點心紙，由於之前都食過，就快速點完，拿住筷子等野食到。我地點咗十一碟，有腸粉，肉鬆豆腐，芋頭糕，蝦春卷，炸雲吞等。雖說下午茶，但份量跟正價量一樣。味道也唔錯，難怪假日那麼多人。