Video
Read full review
2023-09-28
209 views
今日(27/9)我同屋企人到信德中心KFC打算享用最新嘅花生醬炸雞同傳說中嘅Fing Fing薯條。作為Spy x Family嘅擁躉以及花生醬愛好者，我非常期待呢一餐。我地大約夜晚8點20分到達，並喺28分用自助機完成點餐。正如附件嘅單據顯示，我地點咗4個花生醬辣雞豐盛套餐同一個E1。我心裡一路亨Spy x Family 嘅主題曲，一路期待住花生醬炸雞嘅酥香味，心諗今晚一定會回味無窮。5分鐘，10分鐘漸漸過去，主題曲到結尾曲都已經loop咗十幾廿次。我越等越唔對路，就過去counter睇下發生咩事。眼見寥寥可數幾個員工面臨住十幾張單，好落力咁執緊炸雞，我就費事比壓力佢哋。話晒自己都係大公司食物鏈最低層嘅齒輪，完全明白身為社畜有幾辛苦，催促佢哋只會大家都唔開心。最後足足等咗22分鐘（8點50分），機械嘅聲音終於響起：「K3601請取餐」，喺我嘅耳內卻係天使般嘅細語。要形容把聲有幾天使，就要從我嘅背景講起。我已經減咗肥三個月，體重減咗10%，減糖減油戒澱粉，而且每日放工都去游水。你可能會問：減肥都仲食KFC？？？咁你就知道我有幾鍾意Spy x Family同花生醬。今日亦唔例外，我放工游
5分鐘，10分鐘漸漸過去，主題曲到結尾曲都已經loop咗十幾廿次。我越等越唔對路，就過去counter睇下發生咩事。眼見寥寥可數幾個員工面臨住十幾張單，好落力咁執緊炸雞，我就費事比壓力佢哋。話晒自己都係大公司食物鏈最低層嘅齒輪，完全明白身為社畜有幾辛苦，催促佢哋只會大家都唔開心。
最後足足等咗22分鐘（8點50分），機械嘅聲音終於響起：「K3601請取餐」，喺我嘅耳內卻係天使般嘅細語。要形容把聲有幾天使，就要從我嘅背景講起。我已經減咗肥三個月，體重減咗10%，減糖減油戒澱粉，而且每日放工都去游水。你可能會問：減肥都仲食KFC？？？咁你就知道我有幾鍾意Spy x Family同花生醬。今日亦唔例外，我放工游完水先去食KFC，所以尤其肚餓。肚餓嘅我，難得破戒去食KFC嘅我，以及滿心期待嘅我，三個我、三種慾望疊加起來，無情嘅機械聲都可以變成天使嘅細語。
然後殘酷嘅現實有如一把掌摑落我臉上。「點解花生醬炸雞同家鄉雞一模一樣嘅？」我心想。正當我疑惑之際，職員及時開口道：「唔好意思，我地無晒花生醬辣炸雞，所以我俾左家鄉雞你。跟餐嘅燒雞都唔夠，我換咗雞塊俾你。然後E1亦都冇啦，先生你要E2好唔好？」縱使句子入面有問號，根據Linguistic佢嘅聲音語調亦都係問句，但我根本毫無選擇。
失落感同後悔充滿我嘅內心，點解我唔早d嚟；點解我唔去第二間KFC；然後短短嘅幾秒內我踏入cycle of giref嘅second stage: Anger and Blame；點解唔早d通知我，要我白白期待20分鐘，再將我推落谷底。
如果係小時候嘅我，我應該會當場發爛渣，向職員發洩。但係投入職場咁多年，我明白個員工都只係打份工，佢只係盡佢嘅棉力搭救系統出錯嘅後果。就算我問候晒佢祖宗十八代，現實都唔會改變，我都係唔會食到花生醬辣炸雞。
本來嘅「KFC家庭樂」變成「KFC滿失落」。我地幾個你眼望我眼，極度頹廢，直至我家姐講左句：「其實有野食已經好好啦。」呢句簡直一言驚醒夢中人：1. 飲品俾漏咗一杯，2. 家鄉雞/燒雞超級細件，3. 唔知邊度嚟嘅雞塊乾憎憎，4. Fing Fing薯條無提供調味粉，但係呢一切都已經無所謂。
原來我都係資本世界消費主義下嘅受害者，又何必咁上心呢？
Post
