Video
Read full review
2023-06-15
111 views
之前聽人講佢啲乳酪雪糕幾好食 今日出開大角咀就同班朋友順道嚟試試 見舖頭入面仲有位我哋就行咗入去 但店員話人手唔夠叫我哋喺出面等等先 五分鐘左右店員就出嚟叫我哋入去 入到去坐低同朋友諗咗一陣食咩 店員就走嚟叫我哋快啲落單 話因為出面仲有人等緊 45分鐘內食唔晒都會叫我哋走 如果唔係佢哋翻唔到枱比其他人 咁我哋都嗱嗱聲落咗單 想食紫薯芭菲話冇紫薯 想試話梅花雕雪糕又係冇 其實客人要諗多一陣會唔會係因為你哋冇更新menu或者預先同客人講聲而造成？望一望出面的確有人排隊 但舖頭嘅位其實夠招呼晒出面條隊 相信只係因為佢哋人手唔夠先唔叫客人入舖住 所以其實暫時係冇翻唔到枱嘅問題 只係佢哋都會預先入咗食客數先 真高招其實想叫客人快啲落單唔係問題 你生意忙想快啲翻枱入客可以理解 但語氣奇差就真係好大問題 完全係好唔耐煩嘅態度 feel到佢覺得我哋諗多一陣都係阻住佢哋做生意 但佢哋上甜品又唔係快 等甜品嘅時間計埋落你嗰45分鐘度 真係冇得頂本身冇寫開食評 但真心唔想再有人咁遠水路入到嚟有咁差嘅體驗 打開OpenRice先見到原來咁多人講過佢哋服務態度差嘅問題 冇預先上嚟睇睇真係失策 同大家嘅體驗真心一
其實想叫客人快啲落單唔係問題 你生意忙想快啲翻枱入客可以理解 但語氣奇差就真係好大問題 完全係好唔耐煩嘅態度 feel到佢覺得我哋諗多一陣都係阻住佢哋做生意 但佢哋上甜品又唔係快 等甜品嘅時間計埋落你嗰45分鐘度 真係冇得頂
本身冇寫開食評 但真心唔想再有人咁遠水路入到嚟有咁差嘅體驗 打開OpenRice先見到原來咁多人講過佢哋服務態度差嘅問題 冇預先上嚟睇睇真係失策 同大家嘅體驗真心一致 幫襯過一次就夠 之後不了 嘢食幾好食都冇用 何況唔係特別好食 只能夠話正常發揮 服務態度差到令我肯定自己唔會再嚟 未叫甜品已經比人西咗幾嘢 根本enjoy唔到個甜品
埋單仲好笑 落完單一直都冇比低單我哋 出到去cashier同個店員講埋單 佢問我哋邊張枱 我哋指完又問返我哋有冇叫心太軟嗰啲 懵盛盛唔知自己做緊咩咁 明明我哋個位係貼牆最後一張 而且得我哋一枱客啱啱走 仲要我哋再三指多幾次先出到張單收錢
都係嗰句 唔會再嚟 都會同身邊朋友講唔好嚟
評分服務粒一星係因為openrice焗住要比完先可以比劣評 否則絕對係零。
Post
