Video
Read full review
2018-11-26
1615 views
足足一年無黎，裝修左又靚左喎，無似前咁殘舊咁娘氣。又一年Annual dinner！Menu 寫住彌月賀壽宴？真有趣。即燒原隻乳豬、原隻鮮鮑伴玉掌、高湯美國龍蝦伴伊麵、綠野仙蹤螺片珊瑚、紅燒大排翅、清蒸原條金花尾、鮮蟹肉扒翡翠、蒜香黃金雞、明太子炒飯、高湯鮮蝦水餃。全力以赴食到爆晒 quota，好飽啊！六七件美味香脆乳豬、兩隻半鮑魚、三隻鴨掌、五舊西蘭花、三碗紅燒排翅、六七件螺片珊瑚蚌、三舊巨形龍蝦球、三小碟伊麵、一小碟鮮蟹肉排豆苗、五六舊虎斑肉！頂多一件炸子雞！多謝我食唔落喇，滿瀉！仲有炒飯、鮮蝦水餃、杏仁茶、蛋黃蓮蓉壽包、糕點、生果，完全食唔落，哈哈。大家都好肚餓喇！已經 分仲未開得飯，最後八點幾先入席，個個坐定定再等到八點九先有得食，餓死人咩！有無時間觀念架，有無諗過其他同事架，成村人等您地幾個，離晒譜！鐵觀音，我真係唔想飲酒呢，嘆壼鐵觀飲夠晒，最後都係不能幸免於難，同事及老闆又出力狂隊我，勁無奈﹗我要留肚食野，唔想飲呀！每年都想免疫不需掂酒精，依舊走唔甩﹗未食野已要飲香檳加紅酒喇，慘慘慘。燒奶豬，侍應阿姐先帶隻未斬既燒奶豬繞場一周再攞返去廚房剪開，話唔斬用剪會更好。隻豬細細個
全力以赴食到爆晒 quota，好飽啊！六七件美味香脆乳豬、兩隻半鮑魚、三隻鴨掌、五舊西蘭花、三碗紅燒排翅、六七件螺片珊瑚蚌、三舊巨形龍蝦球、三小碟伊麵、一小碟鮮蟹肉排豆苗、五六舊虎斑肉！頂多一件炸子雞！多謝我食唔落喇，滿瀉！仲有炒飯、鮮蝦水餃、杏仁茶、蛋黃蓮蓉壽包、糕點、生果，完全食唔落，哈哈。
大家都好肚餓喇！已經 分仲未開得飯，最後八點幾先入席，個個坐定定再等到八點九先有得食，餓死人咩！有無時間觀念架，有無諗過其他同事架，成村人等您地幾個，離晒譜！
鐵觀音，我真係唔想飲酒呢，嘆壼鐵觀飲夠晒，最後都係不能幸免於難，同事及老闆又出力狂隊我，勁無奈﹗我要留肚食野，唔想飲呀！每年都想免疫不需掂酒精，依舊走唔甩﹗未食野已要飲香檳加紅酒喇，慘慘慘。
燒奶豬，侍應阿姐先帶隻未斬既燒奶豬繞場一周再攞返去廚房剪開，話唔斬用剪會更好。隻豬細細個就黐肥喇？勁肥騰騰，任何部位都超多肥膏，趙到滿嘴油淋淋，咸肥油齊全，低於水平。不過實在太肚餓，唔理得咁多喇！照食可也，連食四五舊。最好食豬仔腳，皮韌肉嫩不肥膩，衰在燒到有點燶燶地。轉左一圈被同事們分屍後，已經體無完膚。燒豬仔腳，更嫩更味濃，一絲絲的彈牙豬肉，損得津津有味。
香草忌廉波士頓龍蝦伊麵，另類烹調有特式，令我諗起早年大埔迎囍好好食既胡椒忌廉澳洲龍蝦燴手打烏冬，但依個色香味都差得遠咯。龍蝦肉鮮甜爽口，散發陣陣龍蝦鮮甜味。最初夠熱，味道還可以，經放涼後就越來越咸﹗伊麵底太少，而且腍劈劈碎濕濕。最後剩下少少無同事肯接收，其實仲有好多龍蝦肉架喎，讓我來吧。大大舊龍蝦肉美味無比！伊麵底太少，每位得兩注，一碗仔都唔夠。到收碟時大家仍然無動於衷，那就全部交比我處理。
翡翠帶子花姿片，難得花姿片勁脆鮮味，不讚不得，其他食店食大多都係腍劈劈。帶子其實係的骰柱貝，煎得兩面焦香，散發強烈鮮味。食不到西芹草青味的我，膽粗粗狠狠地成條放入口試一試，有渣既？西芹草青味免強頂得住。雞鮑翅，唔見有鮑喎，已經溶掉？雞湯味濃郁，食慾大增，好飲得來油油地。排翅邊連肉既位置，較為經濟得體。
蠔皇生菜鴨掌鮑片，生菜比鴨掌鮑片更好食，爽甜可口，大大注捲著蠔汁塞入口，每啖都充滿火花，美味動人。迷你皮包骨的鴨掌及鞋鞋鮑片薄切完全被比下去了！突然被同事連隊兩杯大紅酒，好頂胃呢！我要食野呀，唔好搞我啦！
宮廷燒雞，好咸好肥，油淋淋，雞皮地獄咸，雞肉沒味道，硬食兩舊放棄，劣質。剛才一飲酒就飽晒食唔落，仲有伊麵同荷葉飯未到，無人再食得落喇！
即燒原隻乳豬，賣相非常吸引，燒得色澤鮮明，顏色奪目耀明，索一索豬香醇厚。菜牌寫住即燒，真的嗎？上中下各取一件，品嚐不同部位試真一點。咬落鬆脆乳豬皮就知道，脆而不散，非常香口！隻豬身材好 fit，脆皮下薄薄一層脂肪蓋住咸香肥美嫩肉，味道剛好，不嗆不濁，好 juicy！記憶所及，最好食最高質係依次，拍案叫絕。嘆完身肉，輪到我最喜歡的豬髀豬腳，每次必定搶住食。啖啖肉的豬髀仔，結實嫩過彈牙多汁的肉質，難能可貴，加上嚥韌薄薄甜美薄乳豬皮，可口無比。
原隻鮮鮑伴玉掌，似乎好高檔用上刀叉，細細粒的鮑魚不用鋸吧，豪氣地整粒啪入口。嚥嚥韌韌界乎鮮鮑及乾鮑之間，滾埋蠔汁可以的。鴨掌來的，不能跟膠滑添巨形鵝掌相比。皮爽無肉味清爽，損損腳趾罷了。綠野仙蹤螺片珊瑚，微暖無鑊氣，最好食彩椒，爽甜。跟住珊瑚蚌鮮味脆脆，再來西芹甜甜帶點渣，最差灰暗螺片腍劈劈。
高湯美國龍蝦伴伊麵，熱辣辣出晒煙，賣相就一流喇，不知味道如何。比起香草忌廉出色，不過伊麵都是過腍過濕，索盡上湯濃味成舊掃落口，趙都不用一跣落肚。龍蝦肉鮮甜爽彈高質，上湯提味更甜美。
紅燒大排翅，厚厚黏黏湯汁，濃濃老雞湯味道，襯托著爽爽排翅，咬到索索聲，每口多汁不腥不嗅，煮理得宜美味。鮮蟹肉扒翡翠，鬼佬牌豆苗特粗特大棵，還帶有點渣，幸好散發點點菜甜味，趙得透徹吐出菜渣，禮成。搭埋蟹肉芡味道提升更多，淡淡蟹味，嘴嚼著絲絲蟹肉，整體滿意。
清蒸原條金花尾，即是龍躉之麻，厚厚的脊肉、彈彈的臉珠登、膠膠的魚肚、黏黏的魚頭魚鰭，全身是寶淋上魚汁豉油，啜得津津有味，最後只剩棚骨。蒜香黃金雞，室溫到凍凍，白肉雞味濃，雞皮咸味強，炸蒜鋪係面不覺突出。
鐵觀音
62 views
0 likes
0 comments
紅酒、白酒
36 views
0 likes
0 comments
紅酒
25 views
0 likes
0 comments
燒奶豬
22 views
0 likes
0 comments
燒奶豬
20 views
0 likes
0 comments
香草忌廉波士頓龍蝦伊麵
20 views
0 likes
0 comments
香草忌廉波士頓龍蝦伊麵
18 views
0 likes
0 comments
香草忌廉波士頓龍蝦伊麵
12 views
0 likes
0 comments
香草忌廉波士頓龍蝦伊麵
17 views
0 likes
0 comments
翡翠帶子花姿片
15 views
0 likes
0 comments
翡翠帶子花姿片
9 views
0 likes
0 comments
雞鮑翅
16 views
0 likes
0 comments
蠔皇生菜鴨掌鮑片
15 views
0 likes
0 comments
宮廷燒雞
22 views
0 likes
0 comments
即燒原隻乳豬
32 views
0 likes
0 comments
即燒原隻乳豬
9 views
0 likes
0 comments
即燒原隻乳豬
15 views
0 likes
0 comments
原隻鮮鮑伴玉掌
14 views
0 likes
0 comments
原隻鮮鮑伴玉掌
12 views
0 likes
0 comments
綠野仙蹤螺片珊瑚
16 views
0 likes
0 comments
高湯美國龍蝦伴伊麵
17 views
0 likes
0 comments
高湯美國龍蝦伴伊麵
29 views
0 likes
0 comments
紅燒大排翅
32 views
0 likes
0 comments
鮮蟹肉扒翡翠
22 views
0 likes
0 comments
清蒸原條金花尾
26 views
0 likes
0 comments
蒜香黃金雞
22 views
0 likes
0 comments
Post
