阿芳上海餛飩

Open Now

Now Closed

在佐敦辦完事，有少少肚餓，一於揾个地方坐吓，食番个下午茶先。據了解這間店是由上海媽媽做的，就試這間啦……阿芳上海餛飩。下午茶餐包括一碗粉和一碟小食。叫咗3个下午茶餐，小食分別是粉皮、青瓜、白肉，主菜是白菜餛飩年糕、西洋菜餛飩年糕、玉米餛飩年糕。青瓜爽脆，如果唔食辣嘅人，就唔好選啦。 原本冇味嘅粉皮加少少青瓜絲，再配麻醬，不錯。至於白肉，剛好同粉皮相反，味道濃帶辣。另外加多一碟冷盤……醉轉彎，大鄉里嘅我，原來是带有酒香的雞翼，少少清香嘅酒味，不錯。至於餛飩湯年糕，皮薄的餛飩，配清淡的湯底，除咗不同菜味之外，好似3碗都差不多，整體感覺，淡淡地，似阿媽煮的餛飩。雖然年糕細細碗，但加了一份小食和一杯豆漿，以下午茶來說，份量剛好，而且只是三十多蚊，同大快活差不多價錢，值得再去。