Video
Read full review
2022-07-29
172 views
介紹返💁🏻♀️。。🇯🇵燒肉放題 在青衣 🇯🇵。佐賀山田 Saga Yamada。青衣城1期2樓203號舖。梅 放題 《全43品》。HKD248 + 10% @ 星期一至四晚。HKD278 + 10% @ 星期五至日晚及公眾假期竹 放題 《全88品》。HKD328 + 10% @ 星期一至四晚。HKD358 + 10% @ 星期五至日晚及公眾假期松 放題 《全135品》。HKD398 + 10% @ 星期一至四晚。HKD428 + 10% @ 星期五至日晚及公眾假期贅沢 放題 《全166品》。HKD698 + 10% @ 星期一至四晚。HKD728 + 10% @ 星期五至日晚及公眾假期🤫 嘩..我都唔記得我有幾耐冇食過放題啦..好似自從武肺開始到而家都無放過啦..但我竟然俾其他Foodie仔仔嘅Post吸引咗我山長水又遠咁入去靑衣試哩個佐賀山田嘅日式燒肉放題..而今次嘅飯腳就係好揀飲擇食嘅飯腳仔..haha🤫 咁我哋兩條食肉怪獸就無咁豪去試成七舊水一位嘅贅沢放題架啦..一於試次一等嘅松啦..國際慣例..一嚟會有碟相對靚仔啲嘅牛牛拼盤..成個拼盤有成六種唔同嘅牛嘅部位或者種類..有美國和
。
。
🇯🇵燒肉放題 在青衣 🇯🇵
。佐賀山田 Saga Yamada
。青衣城1期2樓203號舖
。
梅 放題 《全43品》
。HKD248 + 10% @ 星期一至四晚
。HKD278 + 10% @ 星期五至日晚及公眾假期
竹 放題 《全88品》
。HKD328 + 10% @ 星期一至四晚
。HKD358 + 10% @ 星期五至日晚及公眾假期
松 放題 《全135品》
。HKD398 + 10% @ 星期一至四晚
。HKD428 + 10% @ 星期五至日晚及公眾假期
贅沢 放題 《全166品》
。HKD698 + 10% @ 星期一至四晚
。HKD728 + 10% @ 星期五至日晚及公眾假期
🤫 嘩..我都唔記得我有幾耐冇食過放題啦..好似自從武肺開始到而家都無放過啦..但我竟然俾其他Foodie仔仔嘅Post吸引咗我山長水又遠咁入去靑衣試哩個佐賀山田嘅日式燒肉放題..而今次嘅飯腳就係好揀飲擇食嘅飯腳仔..haha
🤫 咁我哋兩條食肉怪獸就無咁豪去試成七舊水一位嘅贅沢放題架啦..一於試次一等嘅松啦..國際慣例..一嚟會有碟相對靚仔啲嘅牛牛拼盤..成個拼盤有成六種唔同嘅牛嘅部位或者種類..有美國和牛粒粒啦..美國牛小排啦..安格斯啦..牛肋條啦..仲有唔少得嘅佐賀和牛..好慚愧咁樣講..雖然係一個食肉獸..但係我都唔係好識分邊隻打邊隻..總之燒出嚟件件都滿意..有啲爽口啲..有啲牛味就濃啲..骨付牛肋肉就鬆軟啲..總之都唔錯啦
🤫 食完個拼盤之後我哋就開始揀啲唔同嘅牛嚟試吓..咁各式各樣嘅牛都可以揀唔同嘅調味..個人就覺得鹽味係最Pure最食到本身牛嘅質素..而飯腳仔鍾意食辣..但係佢就認為辣味嘅調味大部份都偏鹹..所以辣味嘅牛就唔係太建議揀啦..其餘都OK 㗎
🤫 講完啲牛..就講吓我瘋狂Encore嘅甲羅燒啦..我食咗成五個咁多啊..呢度嘅甲羅燒質素相當之好啊.. 每個份量都唔少㗎..可以媲美出邊中價日式餐廳嘅質素..真係回本之選..haha..如果有興趣嚟嘅話一定一定一定要Order呀
🤫 另一個又係一定要叫嘅..亦都俾我哋Encore咗五次嘅..就係牛油煮蜆啦..唔係講笑..佢哋嘅煮蜆係大蜆嚟㗎..隻隻都差唔多有五蚊銀咁大隻㗎..而且食到少少鮮甜味㗎喎..個重點係..佢呢度啲牛油好似唔駛錢咁㗎..一大球牛油煮蜆..唔香就有鬼啦
🤫 另外各樣海鮮都非常之唔錯..我哋都有試到鹽燒牛油帶子..青口..墨魚仔同埋車海老..墨魚仔隻隻都係大隻仔嚟㗎🤭..原來燒起嚟都幾唔錯個喎..唯一就係啲蝦有少少痴殼..可能係我哋唔好彩啦
🤫 蔬菜方面都有好多選擇㗎..我哋呢就試咗蘆筍苗..大啡菇..牛油粟米..牛油本菇同埋燒菠蘿..各樣都相當新鮮..飯腳仔最欣賞就係燒菠蘿啦..佢話夠晒甜喎..順帶一提佐賀山田係半個場打邊爐半個場燒肉嘅..我哋仲可以喺雪櫃到攞啲生菜好似韓式燒肉咁樣包住啲燒牛肉食..感覺好似冇咁熱氣呀嘛
🤫 最後嘢飲同埋甜品方面都勁多選擇..無敵多唔同款嘅罐裝啤酒汽水..台式水果烏龍茶仲有韓國飲品都有..另外嗰邊仲有Draft Beer添呀..甜品..有好幾種唔同嘅細細件Cake仔..啫喱杯同Puff..最受歡迎嘅應該就係明治嘅煉奶雪條啦
。。
翻兜指數：🙆🏻♀🙆🏻♀️🙆🏻♀️ （5個🙆🏻♀️為翻兜爆燈）
。。
Post