小念頭 (通菜街) (Moved) New Location

小念頭係旺角鬧市中一個寧靜嘅角落，位於通菜街，見到道閘門只要大大力按鐘道門上面就會幫你解鎖。入到去小小空間只有簡簡單幾張枱，有啲人獨食，亦有人同朋友聚會，不限時無人會趕你走。叫咗份小山園抹茶戚風，完全無糖，抹茶原來嘅苦澀表露無遺。怕苦可以配上蛋糕上嘅少量果醬將苦味中和，配埋口感濕潤嘅蛋糕都唔錯！至於嘢飲芝士海鹽奶蓋炭烤烏龍嘅奶蓋好滑，如果奶蓋再多啲就好喇！一件蛋糕，一杯茶就可以令自己享有一個悠閒嘅下午！