鳳城酒家 (Moved) New Location

2July2007 1325本來想休息一下，但老爸要同細佬飲茶，叫埋我一齊。要選擇坐得舒服，近近地搭車地方就來這裡，等左一輪就入左房裡面，傾計唔駛大大聲都聽到。點了幾款點心，包括半湯餃，蝦餃燒賣，及一碟素菜炒麵。半湯餃係用點心籠上的一種，每籠只係有兩隻，裡面的湯不算熱，有點失望。其餘兩款亦冇什麼好或差可這。至於素菜炒麵，麵炸成一餅，然後淋上由生抽開成的獻汁，至於主角為紅燈籠椒、黃燈籠椒、秀珍菇、冬菇、草菇及菜頭等等，但求清清的可以食飽。埋單連加一及tips，為140蚊，幾抵食，所以從內心發出一個笑臉。