Video
Read full review
2010-11-27
24 views
今個星期Papaccino 想帶各位Coffeemates去一間幾出名既咖啡甜品專門店。但佢並唔係普通o既大型連咖啡鎖店，而係吸引到好多作家、導演都會去幫襯o既地方。點解？聽講話貪果度夠舒服，氣氛好輕鬆，最岩搵靈感喎！正啊！Papa 近期要兼顧好多創作既工作，但偏偏最缺乏o既就係靈感，所以話呢，確實好需要有啲新o既元素刺激下個腦啊，於是就同朋友黎左呢家位於太古o既小店，領教下佢既魅力所在。 一坐底，已經覺得個氣氛好好，因為人唔多，所以唔會好似平時去咖啡店咁，聽到好多人講野啊、打字啊、大笑啊之類o既聲音，取而代之係見到大部分人睇書、睇報紙雜誌同戴住Headphone聽下歌o既情形，完全唔會嘈到其他人，果然如Epoch自己介紹：「呢度係一個輕鬆又富趣味o既角落。」Papaccino 更加覺得，呢度仲係一個「充電」既好地方！講完環境，當然係時候歎下咖啡啦。我同朋友分別點左杯Cappuccino同 Cafe Latte。看啊！師傅既拉花技術果然唔差（駐場師傅係世界咖啡師大賽o既香港代表黎啊），賣相100分！至於味道都好得，有90分啊！點得法？自己黎試下就知囉！ 順便提下大家，而家 Epoc
正啊！Papa 近期要兼顧好多創作既工作，但偏偏最缺乏o既就係靈感，所以話呢，確實好需要有啲新o既元素刺激下個腦啊，於是就同朋友黎左呢家位於太古o既小店，領教下佢既魅力所在。
一坐底，已經覺得個氣氛好好，因為人唔多，所以唔會好似平時去咖啡店咁，聽到好多人講野啊、打字啊、大笑啊之類o既聲音，取而代之係見到大部分人睇書、睇報紙雜誌同戴住Headphone聽下歌o既情形，完全唔會嘈到其他人，果然如Epoch自己介紹：「呢度係一個輕鬆又富趣味o既角落。」Papaccino 更加覺得，呢度仲係一個「充電」既好地方！
講完環境，當然係時候歎下咖啡啦。我同朋友分別點左杯Cappuccino同 Cafe Latte。看啊！師傅既拉花技術果然唔差（駐場師傅係世界咖啡師大賽o既香港代表黎啊），賣相100分！至於味道都好得，有90分啊！點得法？自己黎試下就知囉！
順便提下大家，而家 Epoch 有個特別活動，只要客人叫一杯奶類咖啡，就可以自己親手拉花，真係有得飲又有得玩，好過癮啊！不過Papa自知自己無咩藝術天分，所以都係唔獻醜啦。
最後，如果大家對飲飲食食有興趣，可以黎我個Blog 睇下架。
http://hk.myblog.yahoo.com/call-freebreak
Post
