食神車仔麵

Open Now

Now Closed

近期天清氣朗，諗住去元朗下白泥親親大自然，去得元朗點會唔搵啲好野食？行入雞地就見到呢間食神車仔麵，諗住輕鬆食個麵再踩單車，咁就試下啦！入到去環境都幾乾淨，點餐同其他車仔麵一樣都係用劃紙仔。每次去食車仔麵都必點炆冬菇同蘿白，順便叫左好耐無食嘅雞翼。當日冇乜人等緊，所以好快就出到餐！食過好多唔同嘅車仔麵，有啲鋪頭嘅冬菇同蘿白可以整到又無味又有渣，不過呢間整得幾唔錯，食得出有用心去整！蘿白幾鮮甜、爽口，冬菇炆得夠味、夠淋，湯頭都幾鮮甜，冇話食到好味精，雞翼味道不過不失。整體性價比滿分10分我會俾7分，因為呢個價錢黎講食得有用心機整嘅餸已經唔錯！如果想平平地食個車仔麵絕對會簡呢間。