謝謝儂 (V City) (Closed)

坐車坐到頭都暈，終於到達商場回下氣，有一兩年無黎，第一時間搵餐飯食，望下有乜吸引先，附近日本餐廳冇原條蒲燒鰻魚食，於是黎左呢間食上海菜。雞絲粉皮最好吃的一樣，份量細細但中規中矩，麻醬充足，惹味且不會好jam口杰身。上海雲吞面有彈性，口味清淡，雲吞不過不失，餃皮挺滑，有蔥花蛋絲芽菜等配菜，只吃了四份一碗，就剩了不想食喇！小籠包一夾已穿，第二粒要夾得好小心，湯汁不少，但賣相和味道無太驚喜。豆漿幾滑，甜甜的，跟餐贈送。食後感：環境不吵，坐得幾舒服，下午茶時間人均消費一百內，飽肚合理的價錢，服務亦幾好。