Video
Read full review
2023-07-24
201 views
之前睇Foodie介紹已經將呢間雪糕店放咗入想去個收藏今日收工去做facial經過真係唔好錯過仲要大熱天時真係絕對要入一入去消暑可能當時5點幾時間有啲尷尬所以間舖入面得一條友見到餐牌有3款雖然知道個signature係海鹽但係身為如果世界上只可以食兩種食物就會揀飯同朱古力嘅人我揀咗比利時朱古力(大杯裝)不消一分鐘店員小姐已經唧好俾我我有少少愕然因為我expect 係fancy少少唔係咁hea 話哂都成50蚊唧高少少或者加啲bling bling都得掛不過其實我係無睇餐牌要toppings要加錢但又其實我食雪糕唔鐘意加toppings阻住我😂講返佢雪糕嘅質感係好結實得嚟又幼滑充滿奶香而且唔會溶得好快係我未食過嘅質感有一刻覺得佢都貴得有道理之不過對於淨軟雪糕嚟講呢個份量要50蚊真係有啲貴個味道方面我唔知佢個原材料係喺邊度嚟但係個味道其實同麥當勞嘅朱古力味新地差唔多只不過係麥當勞早出嚟嘅質感會比較水有陣時會起沙同埋比較快溶但係麥當勞賣只不過係8雞一杯仲有醬😂😂😂所以我覺得試過一次就可以除非之後有啲好特別嘅味道好想好想試如果唔係呢一間舖頭應該比較適合打卡佢個雲朵bling bling雪糕
今日收工去做facial經過真係唔好錯過
仲要大熱天時真係絕對要入一入去消暑
可能當時5點幾時間有啲尷尬所以間舖入面得一條友
見到餐牌有3款
雖然知道個signature係海鹽
但係身為如果世界上只可以食兩種食物
就會揀飯同朱古力嘅人
我揀咗比利時朱古力(大杯裝)
不消一分鐘店員小姐已經唧好俾我
我有少少愕然因為我expect 係fancy少少唔係咁hea
話哂都成50蚊唧高少少或者加啲bling bling都得掛
不過其實我係無睇餐牌要toppings要加錢
但又其實我食雪糕唔鐘意加toppings阻住我😂
講返佢雪糕嘅質感係好結實得嚟又幼滑
充滿奶香而且唔會溶得好快
係我未食過嘅質感有一刻覺得佢都貴得有道理
之不過對於淨軟雪糕嚟講呢個份量要50蚊真係有啲貴
個味道方面我唔知佢個原材料係喺邊度嚟
但係個味道其實同麥當勞嘅朱古力味新地差唔多
只不過係麥當勞早出嚟嘅質感會比較水
有陣時會起沙同埋比較快溶
但係麥當勞賣只不過係8雞一杯
仲有醬😂😂😂
所以我覺得試過一次就可以
除非之後有啲好特別嘅味道好想好想試
如果唔係
呢一間舖頭應該比較適合打卡佢個雲朵bling bling雪糕
比利時朱古力
$50
6 views
0 likes
0 comments
Post
