鈴木珈啡館 (Closed)

諗住搵間環境好少少嘅餐廳食下野休息下，就入左去。環境都可以嘅，我建議坐窗邊可以睇到街上嘅風景。午餐套餐會跟餐湯同果汁，果汁唔使加錢但係其他嘢飲就要加錢。佢哋上餐次序好奇怪，餐湯都未到主食就到左啦🤦‍♀️服務態度麻麻，叫侍應比兩個碟我哋，最尾俾咗一個，我哋唯有用另外一個放餐具嘅碟嚟裝嘢食😣個忌廉煙肉意粉加左溫泉蛋落去，好可惜食唔出同平時嘅忌廉煙肉意粉有咩分別。個咖喱飯小小辣加咗提子乾菠蘿同番薯嗰啲反而有驚喜，令個咖喱飯加咗唔少分。