丼瀛 (Closed)

自從疫情開始都好耐未試過食魚生，始終怕中招。不過而家見緩和咗，就去搵下好嘢食。今次去呢間餐廳係喺觀塘叫丼瀛，同事介紹有一個叫做十二風味嘅套餐，果然冇介紹錯，一次過可以食齊好多唔同嘅種類，雖然係淺嚐，但係數目都比較多所以都足夠，但係如果兩個人食嘅話就會爭啲。所以今次就要嗌多少少，嗌咗個鍋燒烏冬同埋海膽熔岩，雖然烏冬比較平凡，但係個海膽熔岩就令到我十分之驚喜。食落去海膽嘅鮮味即刻必曬出嚟，到而家都仲好回味。而家呢個份量就啱啱好足夠兩個人，食完滿足到自己嘅口感之餘又唔會太過飽濟。