Video
Read full review
2017-09-28
852 views
最近啲老友講九龍城開左間粥底打邊爐聽聞唔錯，一直都想試下，平時去親嗰頭次次係泰國嘢咁滯，其餘都係來來去去嗰幾間較岀名嘅火鍋，收費都貴貴哋但又未算好岀色，所以都係時候發掘一下新地方。早幾晚約左朋友食飯，就去試試啦，去到門口先知道原來間店宜家仲係試業中未正式開張，我嗰晚八點零到都坐滿六、七成人好似幾旺場咁。格局整體都幾企理，光猛有卡位又有幾長枱，成班朋友去食都應該無乜問題！講左咁耐係要入下正題有乜食，店員講佢地新開張有少少優惠益食客，就係like下佢個fb page打下咭就有客蟹柳青瓜絲沙律送，我梗唔執輸like下，都可以啦，始終送嘅又無得太高要求，份量都唔少添！嗰晚我得兩三個人，就order左佢哋三個set，見佢個set都幾多嘢食，又新鮮蝦、蟹、貴妃蚌、鮑魚仔、蜆都兩款，仲有份魚。一開始個職員會預備定一窩較稀嘅粥水狀鍋底比我地打左頭round 嘅海鮮先，佢哋建議我哋先放啲蟹等佢滾啲鮮味落嗰底到，滾緊其間又可以食下蝦先因爲比較快熟。啲蝦都幾新鮮，紮紮跳，都幾爽甜，至於啲蟹都幾大隻，又實肉仲有啲膏，以跟餐嚟計係幾有質素！呢度個menu都有寫哂建議每樣嘢淥嘅時間，唔識分生熟程度都無問題啦！食完
平時去親嗰頭次次係泰國嘢咁滯，其餘都係來來去去嗰幾間較岀
名嘅火鍋，收費都貴貴哋但又未算好岀色，所以都係時候發掘一
下新地方。
早幾晚約左朋友食飯，就去試試啦，去到門口先知道原來間店宜家
仲係試業中未正式開張，我嗰晚八點零到都坐滿六、七成人好似幾
旺場咁。格局整體都幾企理，光猛有卡位又有幾長枱，成班朋友去
食都應該無乜問題！
講左咁耐係要入下正題有乜食，店員講佢地新開張有少少優惠益
食客，就係like下佢個fb page打下咭就有客蟹柳青瓜絲沙律送，
我梗唔執輸like下，都可以啦，始終送嘅又無得太高要求，
份量都唔少添！
嗰晚我得兩三個人，就order左佢哋三個set，見佢個set都幾多
嘢食，又新鮮蝦、蟹、貴妃蚌、鮑魚仔、蜆都兩款，仲有份魚。
一開始個職員會預備定一窩較稀嘅粥水狀鍋底比我地打左頭round
嘅海鮮先，佢哋建議我哋先放啲蟹等佢滾啲鮮味落嗰底到，滾緊其
間又可以食下蝦先因爲比較快熟。啲蝦都幾新鮮，紮紮跳，都幾爽
甜，至於啲蟹都幾大隻，又實肉仲有啲膏，以跟餐嚟計係幾有質素！
呢度個menu都有寫哂建議每樣嘢淥嘅時間，唔識分生熟程度都無
問題啦！食完蝦蟹，繼續接力嘅係鮑魚仔同貴妃蚌，蚌都幾鮮甜
爽脆，鮑魚仔都好新鮮彈牙，如果黐住側邊夠膽嘅物體可以cut走
就更好。跟住就仲有有兩款蜆同鮮魚，兩款蜆係乜名我唔記得，
一款較大，一款細隻啲，大隻嘅海水味多啲，細就好𡁻頭啲，
都係比較少見 ，個老細嘅物體話岀面一般火鍋店較少入因爲
成本都貴，普遍都係用花甲、沙蜆多！
最尾食這係碟鮮魚，魚望落好似一般般，撻沙狀咁，都新鮮㗎係
魚味淡比較啲啲！不過一個餐跟左七款新鮮海鮮又真係無得投訴嘅！
食完海鮮，個餐當然未完啦，跟餐仲有自選五款料揀，都有成近三十
款，幾多選擇下。其實之前食左成七樣嘢都幾飽肚下，最終我哋再落
左，香葱魚腐、蟹柳、蝦滑、花膠仔同豚肉片。
呢個魚腐好有驚喜，葱味又香又有魚味，唔淥都可以齋食幾粒，蟹柳
好似無特別，啲店員都話佢地用嘅係靚貨，味道好啲但好易滾散，
唔可以淥太耐！蝦滑又係好認真製作，好多蝦喺入面，超甜同彈牙，
好有食緊蝦餃嘅感覺！至於花膠仔都好有花膠味比起花膠筒正好多，
佢地預先浸同發定左，所以淥嘅時候唔洗搞太耐都已經食得，最尾淥
嘅豚肉都幾有肉味，都唔錯！
食埋第二round坦白講都已經飽到八成，原來係仲有last一round嘅，
呢個時候店員會拎埋個粥膽加落去，再加埋啲南瓜粒同芋頭粒落去
一齊煮多陣就食得。喺加左兩款配料之後個粥底就變左成個南瓜粥
咁款，連埋打左咁多嘢食嘅精華，食落又真係幾正，最後喺好飽嘅
情況下都要食多碗，另外佢地伴碟嘅油炸鬼都唔可錯過，好香脆！
如果都仲未夠嘅話，係可以繼續order料嘅，不過當然唔係我地 XD
最後埋單都係位位198 加一，以食甘多同嘢嚟計都真係幾抵，希望
佢哋可以繼續keep住！
Other Info. :
其實以咁多野食嚟講，呢間火鍋店都幾抵玩，如果可以多番啲小食
就更正，聽店員講話遲啲會有埋韓牛同刺身，有機可以再試下!
(The above review is the personal opinion of a user which does not represent OpenRice's point of view.)
Post
