石磨坊 (Closed)

一星期內第三次食石磨坊，終於將我想試的甜品全部試晒，好野來個總評：芝麻湯圓($13)：有６粒，薑湯底，薑湯夠辣，好驅寒，我覺得好味，湯圓中等size，餡都算多，不過唔會好似福元咁爆汁，我同男朋友一致認為無福元咁好味～合桃糊＋芝麻糊($18)：聽人講石磨坊Ｄ糊做得出色，糊都算滑，夠晒濃，但係兩種糊溝埋又唔覺得有兩種味，無乜特別，都係福元比較好味啊！+$5要石磨年糕，原來係類似上海年糕，完全無味，好難食，千祈唔好好似我咁好奇加年糕紅豆泥撈冰($26)：紅豆泥都滑，又夠紅豆味，刨冰好硬，堆到好高，有唔夠花奶食的危機，下面有少許涼粉，雖然都好味，但係舊冰真係好硬呀，好難挫開，如果唔同涼粉冰比都算好味既朱古力鮮奶燉蛋($20)：好好味！夠晒朱古力味，好夠杰杰的朱古力奶，而且好滑呢，非常推薦呢！芋泥涼粉($26)：石磨坊之最，芋泥好杰，比較黏實，夠芋頭味，甜得黎好味，上面少少刨冰，撈住芋泥食好正好match，而且唔會唔夠花奶，話明係涼粉，涼粉好夠多，加埋多多花奶，又甘又甜好好味！食到超飽！始終都係覺得芋泥涼粉最好味，每次去都唔捨得唔叫試左咁多樣，我諗我短期內都唔會再去住lu，歇下先再試芒果河粉同芋