臻煌海鮮城 (Under Renovation)

今次試呢間新開業酒樓，前身都係酒樓，所以裝修同之前一樣無變，由於可能新開業，客人並不算多，相對唔嘈吵比較寧靜，都幾舒服，菜式放面多元化，坐低睇咗一陣，就點咗套餐清蒸東星班孖寶，裏面有東星班+上湯西澳龍蝦伊面，再另外點咗椒鹽腰果豆腐粒，等咗一陣，先嚟碟椒鹽豆腐粒，濃濃炸蒜食落香口，而上湯龍蝦伊面就一般，味道清淡，最後嚟就係條東星班，肉質夠嫩滑，食完送紅豆沙糖水。整體來講都可以，份量足，味道不過不失，服務態度都可以。