捌拾胡同 (Closed)

休閒嘅星期六做下 facial 按下摩，中間有少少時間醫下肚。除咗食紫色雞蛋仔，我最近就鍾意黎呢間捌拾胡同 。位置近厚福街，廿蚊一兜唔知幾多粒魚蛋嗰間小食店隔離。本人十分喜歡食串燒，所以我對串燒係有丁丁要求。唔可以樣樣野都係同一個味，串燒調味唔可以太重手，唔可以蓋過本身肉嘅鮮味。捌拾胡同可謂滿足到我串燒怪嘅小小要求。我多數都係叫呢三樣。牛柳粒，細細粒都有牛味。玻璃豬，最鍾意佢岩岩燒完係脆與彈牙之間。蜜糖雞翼就係情意結。 店好細架咋，得兩個位可以坐，大部分人都係拎走或者企喺度食，所以真係只可以當佢係串燒小食店。我覺得應該係生意難做咗，平時成兩點幾先開舖，今日1點左右已經開咗。如果係求助淥下廿蚊一兜魚蛋同出一身汗燒嘅十幾蚊串誠意串燒，我希望大家可以支持下。