意大利佬 (Closed)

同朋友慶生，他指定要來這一間。於是我上Openrice 睇下間嘢咩料啦，點知就比佢最新嘅食評嚇親，心諗會唔會中伏架？但朋友說食過覺得好味，更何況生日大哂，就照去啦朋友一坐低就話要叫蟹餅，我心想：Openrice 個食評都有話個蟹餅唔得架喎但....原來唔係嗰回事，係好味架喎！我食到好多蟹肉，好鮮甜跟住前菜仲叫左個牛肝菌雲吞同鵪鶉腿，雲吞不過不失，鵪鶉腿好香煙薫味，做前菜小食一流大盤有帶子墨魚麵，小小辣加埋蕃茄乾嘅味道，好香！啲面好爽好彈牙，我鐘意！最後「包拗頸」叫左個羊排，又學佢叫medium rare, 可能我地好彩啦，燒得剛剛好，味道也很不錯，肉質也很嫩不明白為何會有那個差評？是得罪人了吧？！店員姐姐服務也很好，細心推介食物及很有禮貌呀，完全不像那個評語中所說的態度？？？本來我也沒有想要寫食評，所以都冇影個蟹餅，但係食完之後我決定要幫呢間餐廳平反。我屋企以前都係做食肆生意的，人家的評語真是會影響人做生意呀！不實報導，唔知佢當時點諗，但我真心覺得好味，價錢雖不便宜，但合理