Video
Read full review
2016-04-02
850 views
伏⋯又一中伏⋯位於荔枝角道x鳳餐廳隔離嘅「好媽媽」⋯台灣食品餐廳。是日晚餐只是漫無目的偶爾到來，初初感覺不錯，因為門外貼有「飲食x女」專訪文章，心諗應該可以一試吧！接近夜晚八點嘅時間，店內只有客人四五人，店內裝修簡單，地方算寬敞。餐牌選擇都唔少，價錢標示亦唔貴，第一個感覺頗良好～ 直接介紹一下以下食品先～好媽媽招牌魯肉飯$22細碗裝 一碗仔飯嘅size,肉燥味道濃郁，真係幾唔錯，不過略嫌份量少左啲，用嚟送白飯就一流喇！酸菜作配菜，小小酸仲帶小小辣，味道有驚喜。滷蛋賣相就奇差，冇乜味道可言。蚵仔麵線$35 賣相唔差，蚵仔漲卜卜都幾大粒下，味道還可以，最緊要唔好有腥味！麵線質感都幾好，頭兩啖入口味道都唔錯，可惜就愈食愈覺得咸，醬油味太重，味精亦太重，引致之後幾個鐘仍感口渴。芫茜唔新鮮，所以味道好淡，只能取其色，不能嚐其味！台式椒麻雞 原以為係雞件上，上檯先知係雞扒切件上，有點失望！味道係有點特別，辣辣地又帶小麻麻地，但就未至於係驚喜作品。雞肉質感算唔錯，唔乾，但雞皮卻偏肥偏油，嚼唔到⋯$48一塊煎式雞扒，呢個比較上貴左啲喇。珍珠奶茶，奶味偏淡，珍珠煮得唔夠腍，味道麻
位於荔枝角道x鳳餐廳隔離嘅「好媽媽」⋯台灣食品餐廳。是日晚餐只是漫無目的偶爾到來，初初感覺不錯，因為門外貼有「飲食x女」專訪文章，心諗應該可以一試吧！
接近夜晚八點嘅時間，店內只有客人四五人，店內裝修簡單，地方算寬敞。餐牌選擇都唔少，價錢標示亦唔貴，第一個感覺頗良好～
直接介紹一下以下食品先～
好媽媽招牌魯肉飯$22細碗裝
魯肉飯
$22
39 views
0 likes
0 comments
一碗仔飯嘅size,肉燥味道濃郁，真係幾唔錯，不過略嫌份量少左啲，用嚟送白飯就一流喇！酸菜作配菜，小小酸仲帶小小辣，味道有驚喜。滷蛋賣相就奇差，冇乜味道可言。
蚵仔麵線$35
蚵仔麵線
$35
25 views
0 likes
0 comments
台式椒麻雞
台式椒麻雞
$48
41 views
0 likes
0 comments
原以為係雞件上，上檯先知係雞扒切件上，有點失望！味道係有點特別，辣辣地又帶小麻麻地，但就未至於係驚喜作品。雞肉質感算唔錯，唔乾，但雞皮卻偏肥偏油，嚼唔到⋯$48一塊煎式雞扒，呢個比較上貴左啲喇。珍珠奶茶，奶味偏淡，珍珠煮得唔夠腍，味道麻麻地～
珍珠奶茶
$18
22 views
0 likes
0 comments
跟餐雞亦
18 views
0 likes
0 comments
筒仔米糕+$20有珍珠奶茶及兩隻雞中亦
筒仔米糕
$38
160 views
0 likes
0 comments
內籠未熟
52 views
0 likes
0 comments
一心通知樓面店員個米糕芯未熟透，店員隨手拎起就講了一句：「哦～未熟呀？！」就轉身拎返入廚房⋯連一句唔好意思嘅抱歉說話都冇⋯都算，然而個廚房就在隔離，只聽到樓面店員交帶廚房重新整過，但廚房店員卻好搞笑提出將原本未熟透嘅米糕重新翻煮便可，作為客人嘅我們聽到已經心中冷笑，咁都得？好在樓面店員堅持要廚房重新整過一個新嘅，呢啲先係叫尊重客人吧？其實客人可以選擇取消呢味米糕，只係樓面店員連請示客人嘅意識都冇就已經叫廚房再造，所以就免為其難啦⋯
點知等到食完所有嘅食物，大前提已經超過15分鐘嘅時間，仍未見米糕上檯⋯一追之下，只聽到廚房員工對樓面講要等多陣，話仲有其他菜式要處理，並不耐煩反問樓面員工，客人係咪需要打包拎走？其實坐在店內嘅客人我們已經聽得一清二楚！什麼服態度？明明自己做錯事，沒用心去處理好食物，反而將氣推俾客人受？餐牌明明註明米糕製作時間需時15分鐘，客人是會理解，但當已超過15分鐘，客人催一催都屬正常吧？如果廚房可以用心去處理食物，相信都唔會出現翻製情況吧？還有，工作歸工作，廚房員工應該要識尊重用餐嘅客人、尊重公司、尊重食物！唔係柴娃娃在廚房嬉戲，大大聲講粗口囉！就係因為廚房員工嘅工作散漫，先會導致食物水準低、唔穩定！
餐牌價錢雖然唔高，但咁樣嘅服務態度，咁樣嘅食物質素，值乜嘢？一點都唔值得！
唔憂做唔憂做，埋完單出去門口望望專訪究竟係乜回事！店鋪由來都唔嘢小，原來係隔望x鳳第二代傳人用心開設嘅台灣美食店⋯睇到「用心」兩個字我已經笑左！心用在何處？究竟係老闆問題令班員工不可一世，定係員工不自量力，還是食品自己質素有問題？咁樣嘅質素都可以上到專訪？接受電視台訪問？憑乜呀？
請管理層務必重視一下員工質素問題！一間店舖嘅生存長短，唔單止需要倚靠背後資金來源，亦要識尊重客人，尊重食物囉！應有嘅誠意去左邊呀？
Post
