龍門棧 (Closed)

灣仔終於開左間新嘅高級中菜啦💁🏻‍♀️😍 位於三湘大廈嘅龍門棧lunch都好多點心嘅，價錢中上，但可以因應人數而再改數量🤓 茶都好多款，我地就揀左龍井同鐵觀音嘅，分別係25蚊位，以呢個茶葉質素算好抵飲嘅！特別係龍井，越飲越回甘💁🏻‍♀️ 前菜真心有誠意❤️青瓜係酸酸地，好爽口好開胃🥒🥒 另一款係琥珀合桃⭐️⭐️ 食落夠脆口，又甜甜地，芝麻香十足🌟點心方面都好有特色嘅！先叫左個腸粉($68)💁🏻‍♀️係煎左再淋上d甜甜醬同花生醬嘅😀 食落口感豐富又唔太膩😂 另外係最特別嘅魚子醬粢飯😜😝上面魚子醬非常多！下面粢飯煎得好香口，又夠咬口😛而魚子醬咸香同粢飯夾得非常好😘 長腳蟹小籠包子好飽滿多汁，皮又夠薄的😌 酒樓又坐得多舒服😌如果有時間就慢慢坐啦🤩🤩