夢の丼 (Closed)

趁住土瓜灣站開通左，就同朋友搭鐵黎附近覓食😋行到馬頭圍道附近見到有間環境唔錯嘅日本餐廳，就決定入去試下！呢間餐廳主要賣刺身丼飯，刺身同壽司為主，仲有唔同嘅小食，最吸引係佢個花錦魚生丼做緊半價，即刻叫左個黎食！花錦魚生丼呢個丼有三文魚，白身魚，赤蝦，又口魚邊仲有好多三文魚子，上面放左玉子漬，撈埋啲刺身食一流！啲飯係用七星米撈埋赤醋製作，食落比平時嘅壽司飯更有醋香🤩每樣刺身都好新鮮，仲要每啖都食到櫻花蝦，以半價左唔洗一百蚊嘅價錢係物超所值夢の丼呢個夢の丼有哂我鐘意食嘅野😋有海膽，帆立貝，炙燒三文魚蓉，牡丹蝦同松葉蟹🤩帆立貝口感嫩滑，三文魚燒過味道更加香，牡丹蝦外面有塗上海膽蓉，又滑又清甜。最正係海膽，食落去口感奶滑又濃郁，而且入口即溶，味道鮮甜🤤佢仲配埋橙醋，夾埋好開胃蟹膏豆腐嫩滑嘅豆腐配上濃郁嘅蟹膏，送飯一流法國生蠔生蠔上面放左三文魚子同魚子醬，食落有海水味油甘魚刺身油甘魚上面放左䄂子胡椒，滿滿嘅䄂子味，油甘魚充滿魚油嘅香味，食落好綿，不過個人覺得唔加䄂子胡椒落去已經好味磯燒帆立貝大大粒嘅帆立貝好有口感，配紫菜可以比你包住一齊食海膽赤蝦蓉壽司見佢啲海膽咁正最後都叫返個海膽赤蝦蓉壽司試下，