Video
Read full review
2018-06-13
371 views
上星期天氣唔穩定，咗掛起一號波，差啲想改期約過第二日，好彩最後無改到，先俾我試到好西！最先就係俾呢間鋪頭嘅門面吸引，加上openrice分數高，地點就腳，跟據我多年係openrice嘅搵食經驗，伏味唔濃，試得過！好喜歡呢間鋪嘅設計，有種週末hea緊嘅錯覺。啱啱講到上星期打風，加上因爲OT變相九點先入座，所以入面一個人都無，wow，包場。我問waiter 哥哥平時係咪都係咁少人，佢話一時時，有時都會滿哂。好Lucky啊我地！室內好warm好舒服，如果坐滿人應該又係另一番景象。原來呢間鋪都有happy hour時段，unlimited snacks好吸引，可惜呢個時間我好難出現係呢到⋯雖然我只係第一次嚟，但我對Dose嘅好感度非常高，感覺上好親民，似開係你屋企附近嘅日常小店咁，或者係因為同啲poster有關。好有design sense嘅poster，話你知嚟緊有咩玩，有咩promotion，喂啊！好親切我鐘意！講咗廢話咁耐，終於要入正題！叫完嘢食，先上餐包。係法包嚟，新鮮，無咩補充。跟住係前菜/小食，因為個人需要，由本身係雞肉，轉咗素菜。感謝廚師配合，仲出嚟問我地咁轉可唔可以，味道亦交足
最先就係俾呢間鋪頭嘅門面吸引，加上openrice分數高，地點就腳，跟據我多年係openrice嘅搵食經驗，伏味唔濃，試得過！
好喜歡呢間鋪嘅設計，有種週末hea緊嘅錯覺。啱啱講到上星期打風，加上因爲OT變相九點先入座，所以入面一個人都無，wow，包場。我問waiter 哥哥平時係咪都係咁少人，佢話一時時，有時都會滿哂。好Lucky啊我地！
室內好warm好舒服，如果坐滿人應該又係另一番景象。
原來呢間鋪都有happy hour時段，unlimited snacks好吸引，可惜呢個時間我好難出現係呢到⋯
雖然我只係第一次嚟，但我對Dose嘅好感度非常高，感覺上好親民，似開係你屋企附近嘅日常小店咁，或者係因為同啲poster有關。好有design sense嘅poster，話你知嚟緊有咩玩，有咩promotion，喂啊！好親切我鐘意！
講咗廢話咁耐，終於要入正題！
叫完嘢食，先上餐包。係法包嚟，新鮮，無咩補充。
Quesadilla
45 views
1 likes
0 comments
跟住係前菜/小食，因為個人需要，由本身係雞肉，轉咗素菜。感謝廚師配合，仲出嚟問我地咁轉可唔可以，味道亦交足貨，第一次食咁清新但juicy嘅quesadilla！
再嚟係洋蔥湯，好正宗嘅做法，啖啖洋蔥好正啊！本身好洋蔥同洋蔥湯嘅人一定唔可以錯過。
菇菌意大利飯
32 views
0 likes
0 comments
正餐，菇菌意大利飯，呢間鋪真係好有誠意。第一個誠意位，佢地主張正統做法，唔會求其，菜式唔會虛有其名，實際就改到不倫不類。第二個位係佢地好多細節位，好似個意大利飯，有層薄薄嘅芝士圍邊，一邊食一邊感受廚師嘅藝術。
佢地嘅份量偏大，未必食得哂。記得就住叫。
20 views
0 likes
0 comments
最後最後個甜品，作一個完美句號。唔太甜嘅蘋果餡，輕微脆嘅皮，微溫配上雪糕，吸引！
最後每人用咗三百蚊，開心嘅一餐！
Post
