Video
Read full review
2006-07-22
1 views
平日通常同朋友幾個嚟，咁咪有得左叫右叫選擇可以彈性啲。亦曾經試過同朋友兩個人叫兩個main course 飽到食唔晒的經驗。咁今日兩個人，第一次喺度叫set din ( 餐湯+ 主菜+ 餐茶+ 甜品) 另送麵包沾醋！講餐湯：意大利雜菜湯料好足，夠味，冇咩特別。但另外一個忌廉湯內裡竟然有杏仁，口感又香又滑，似乎唔係用罐頭湯應酬我喎！講主菜：(一) T-骨牛扒反而今次個扒整得好過我上次食嗰個主菜鵝肝配安格斯牛。)今次個扒六成半熟，外脆，但內裡有點微紅咁，仲好有牛味！個chef 簡直開正我嗰範呀！而且伴碟的薯仔連皮似焗過咁，外脆內軟，加上個汁底有黑椒得嚟再有少少蕃茄的甜甜酸酸，好味兼開胃喎！(二) 雞扒、紅腰豆配意大利飯雞扒唔需要有期望，雪藏貨預咗，係鞋口囉！不過反而個飯同平時食開的主菜”意式雜菌飯”係味道一樣！因為我未食時諗住個飯話晒set din 會可能俾人諗埋d 縮數野偷工減料，但食咗後證明又冇喎！餐茶略去唔洗講，因我們飲的唔係咖啡，冇技巧可言。講甜品：今日set din 甜品係芝麻雪糕。我對呢個雪糕充滿疑問，勁想捉個chef 問：你買定整架？因自己有整開甜品習慣，又試過自己去搵機磨芝
亦曾經試過同朋友兩個人叫兩個main course 飽到食唔晒的經驗。
咁今日兩個人，第一次喺度叫set din ( 餐湯+ 主菜+ 餐茶+ 甜品) 另送麵包沾醋！
講餐湯：意大利雜菜湯料好足，夠味，冇咩特別。但另外一個忌廉湯內裡竟然有杏仁，口感又香又滑，似乎唔係用罐頭湯應酬我喎！
講主菜：
(一) T-骨牛扒
反而今次個扒整得好過我上次食嗰個主菜鵝肝配安格斯牛。)
今次個扒六成半熟，外脆，但內裡有點微紅咁，仲好有牛味！個chef 簡直開正我嗰範呀！而且伴碟的薯仔連皮似焗過咁，外脆內軟，加上個汁底有黑椒得嚟再有少少蕃茄的甜甜酸酸，好味兼開胃喎！
(二) 雞扒、紅腰豆配意大利飯
雞扒唔需要有期望，雪藏貨預咗，係鞋口囉！不過反而個飯同平時食開的主菜”意式雜菌飯”係味道一樣！因為我未食時諗住個飯話晒set din 會可能俾人諗埋d 縮數野偷工減料，但食咗後證明又冇喎！
餐茶略去唔洗講，因我們飲的唔係咖啡，冇技巧可言。
講甜品：
今日set din 甜品係芝麻雪糕。我對呢個雪糕充滿疑問，勁想捉個chef 問：你買定整架？
因自己有整開甜品習慣，又試過自己去搵機磨芝麻，磨極都仲會有殼有種糙米的粗糙感。而今日我食落口的芝麻就有我呢種感覺！
而出面買的湯丸呀！芝麻糊呀！芝麻雪米糍呀！通通只會係起沙，或者只食到甜的芝麻味但又食唔到芝麻粒….
最奇怪係個雪糕比平時杰、冇咁易溶，食咗15分鐘係得面層係有少許開始溶想變液體….
總結嚟講，晚餐包咁多野都係69 蚊位，都算抵架！
雖然新界咁偏o既地區相比其他食肆可能會較貴，但我又覺得佢又整得有heart 有誠意唔係求其馬虎應酬我囉！
員工態度ok, 主動協助。部長，我鍾意以前四眼嗰個多d 呀！
Post