大丼家 (Closed)

話說我一心諗住早收工, 趕得切6點前到餐廳, 就入去食個tea啦… 5:54pm問店員拎下午茶餐牌店員: 「完左喇!」咁檯面就得個午餐餐牌啦, 仲寫住6點後飲品正價… 即係我冇下午餐食, 亦都冇跟餐餐飲… fine, 都坐低左, 咪當我部電話個鐘快過你間舖個鐘囉… 當買一次教訓, 下次唔好最後幾分鐘衝入黎啦… 點知落完單, 睇睇張單既時間, 係17:58, 原來我地冇時差架喎,都未到6點!我:「唔該, 張單既時間都未到6點架喎，點解冇餐飲呢?」店員:「係呀, 我地部機57分就轉左, 做唔到架, 唔好意思…」我: 「咁你個牌唔寫57分? 依家未夠鐘, 冇tea又冇餐飲… 」店員: 「係呀, 唔好意思呀, 我叫老細轉返個牌做57分丫…」老老實實, 你部機set返6點唔得架咩? 黑人問號… 況且我入黎嗰刻都未到57分已經冇下午茶啦… 同你計嗰幾分鐘聽落好斤斤計較, 就算我拗贏你都係多杯飲品/平幾蚊, 唔會開心好多, 但就係因為嗰幾分鐘, 無啦啦令顧客得到被騙既感覺, 又令自己損失個顧客, 你自己諗下值唔值得囉… 公道講, 其他野都冇問題, 我之前都食過覺得ok至再黎, 點知今次得到呢個奇遇…