深深甜品

Open Now

Now Closed

紅假前夕約朋友去深水埗食飯，食完大定都想食甜品，轉角見到呢間有少少人排隊，望一望個餐牌，見到好多野選，價錢又好OK，於是即刻拍板入去。我地要左有相片show出黎嘅豆花紫花園仲有熱芝麻糊。豆花紫花園$40都真係好大碗，兩個人食可以開心share！舊雪糕真係好重紫薯味，啲芋圓好大粒好有咬口同勁飽！第一次食黑糖水晶，好清新的味道，唔會話死甜！熱芝麻糊$24話就話石磨，應該唔係店內石磨掛！味道無特別，夠大碗。呢個店都幾受年青人歡迎，雖然冇乜服務，但裝飾同碗碟幾有特色，一定會再介紹朋友黎。