NUTTEA (旺角中心第一座) (Closed)

係各個林林總總嘅台式茶飲/手搖飲品店中，一直都有聽過nuttea 主打嘅係堅果奶，鈣質豐富，今次終於係旺角中心分店試咗。呢度嘅款式都好多，有純堅果奶、奶茶、奶蓋或者純茶無堅果奶加入都有。難得今日早嚟到緊係試吓有三粒星推薦又限量100杯嘅伯爵朱古力堅果奶蓋茶🥹。甜度即揀咗微糖去冰，雖然係去冰但仍然好夠凍，即使過咗30至45分鐘先飲都夠冰涼。賣相好精緻，表面嘅奶蓋加朱古力粉份量好多，奶蓋好濃厚多層。口感亦軟滑而濃郁，絕無空氣感，味道唔會過甜，有充足嘅朱古力味又有好豐富堅果奶味，味道厚實得嚟唔會過份地甜同重奶味。伯爵茶即好香茶味，亦唔會好甜。整體上奶蓋配上味道唔會過分濃郁嘅伯爵茶，令整體濃度啱啱好。