皇轎印度餐廳 (Moved) New Location

今天是立法會選舉投票日, 我選擇了獨立候選人, 佢唔係我的首選, 只係我諗佢需要我的一票, 同埋我想支持多點不同的聲音. 最近, 天后的食店轉變都幾大, 我諗D舖租升幅都幾得人驚. 皇轎印度餐廳位於清風街2號, 雖然我經過呢度無數次,唔係睇OPEN RICE, 我唔發現佢的存在, 其實佢係明記隔離( 甜姨姨對面). 店舖面積唔大, 但都坐咗唔少人, 幸好没有飲茶亞叔/ 亞嬸, 大家講嘢細細聲, 唔會好嘈.叫咗個二人套餐, 有好多嘢食: 餐湯, 胡椒餅, 咖喱角, 香燒雞翼,鑊仔咖喱海鮮, 烤餅, 果仁炒飯, 咖啡或茶. 要香脆有香脆,要肉汁有肉汁, 我亦喜歡佢哋D咖喱比其他印度餐廳無咁辣和濃味. 老板和WAITRESS都係肥肥哋的人, 佢哋在窄窄的枱與枱之間落單, 傳菜, 加水, 收碟, 仍然保持笑容, 佢哋敬業樂業的服務態度, 我當然要投佢哋一票: "請支持清風街2號皇轎印度餐廳."